Уфа фән һәм технологияләр университеты
Уфа фән һәм технологияләр университеты (баш. Өфө фән һәм технологиялар университеты, рус. Уфимский университет науки и технологий, УУНиТ, УУНТ, Уфимский университет[2]) ― Уфадагы югары уку йорты. 2022 елда Башкорт дәүләт университеты (БашДУ) белән Уфа дәүләт авиация техник университетын (УДАТУ) берләштерү (кушу) юлы белән барлыкка килгән. Бу кушылу ике югары уку йорты һәм республика галимнәре, укытучылары, хезмәткәрләре һәм укучылары арасында иҗтимагый резонанс тудырган һәм тәнкыйтькә дучар булган. [3][4][5][6][7][8][9][10]. Тарих2021 елның гыйнварында ике югары уку йорты ― 1909 елда нигезләнгән БашДУ һәм 1932 елда нигезләнгән УДАТУның берләшүе турында билгеле була. [11][12][13][14] 2021 елның 15 февралендә Башкортстан Башлыгы Радий Хәбиров ике Уфа югары уку йортын берләштерү турындагы карар кабул ителгән һәм ул үзгәртелми, дип белдергән: «Карар кабул ителде, ул үтәлергә тиеш». [3] 2021 елның 18 февралендә ике югары уку йортын берләштерү мәсьәләләре буенча матбугат конференциясе уздырыла. [15] 2021 елның апрелендә ике югары уку йортының Гыйльми советлары берләшү турында карар кабул итә. [16][17] 2021 елның августында яңа югары уку йортының исеме билгеле була ― Уфа фән һәм технологияләр университеты, ике югары уку йортын берләштерү хисабына республика «Приоритет-2030» программасының 1 млрд сум күләмендә федераль грантын алырга тиеш була. [16][18][19] Әлегә оештырылмаган югары уку йортына 100 млн сум күләмендәге төп грант БашДУ тарафыннан 2021 елның октябрендә алынган. [20] Шулай ук БашДУ өстәмә рәвештә 142 млн сум грант алган. [21] 2022 елның гыйнварында әле берләшмәгән университетка республика хакимияте 200 млн сум бүлеп бирә ― УДНТУ һәм булачак Уфа университеты студентларына грантларга. [22] Россия Федерациясе Фән һәм югары белем министрының 2022 елның 8 июлендәге 644 номерлы боерыгы нигезендә Уфаның ике университетын ― БашДУ һәм УДАТУны үзгәртеп кору (берләштерү) юлы белән төзелгән. [2][23][24][22] Әлеге боерык нигезендә, БашДУ һәм УДАТУның Бөре, Нефтекама, Сибай, Стәрлетамак, Ишембай һәм Күмертау шәһәрләрендәге филиаллары Уфа университетының филиаллары була. Яңа югары уку йорты берләшкәннән соң 2022 елның 1 сентябрендә ачылырга тиеш булган. [25][6] Ике югары уку йортының берләшүе 2022 елның ноябренә күчерелә. [26][27] 2022 елда укырга кергән Уфа университетын тәмамлаучыларның дипломнарында ике югары уку йорты күрсәтеләчәк: укырга кергәне ― БашДУ яки УДАТУ, һәм тәмамлаганы ― Уфа университеты. [28] 2022 елның 1 ноябрендә БашДУ һәм УДАТУны үзгәртеп кору (берләштерү) тәмамлана. Уфа университеты Юридик затларның бердәм дәүләт реестрына кертелә, уку йортын Вадим Петрович Захаров[d] җитәкли. [29] ШәхесләрРекторлар
Укытучылар
Тәмамлаучылар
Искәрмәләр
Сылтамалар
Моны да карагыз |
||||||||||||||||||||||||||||||||||||||||||||||||||||||||||
Portal di Ensiklopedia Dunia
