Tom De Sutter Tom De Sutter (Zottegem, 3 juli 1985) is en Vlamschn foetbollist die in de spits speelt by KV Oostende. CarrièreDe Sutter is begunn foetbolln by VV Balegem, in de parochie woa dat ’n wunt. Ol zêre wos ’n overenoomn deur Wetteren (e derdeklasser). E dei dat doa nie slicht en in 2001 kwam Club Brugge nem oaln. E grakte nie toet in ’n êestn ploeg en ne veruusde no Toeroet, woa dat ’n da joar 13 goals makte. ’t Têekn voun Cercle voun De Sutter te koopn, ol kwam et der nie 100% uut in dat êeste joar, e makte mor 1 golle in de competiesche. ’t Joar van de deurbroake kwam in 2007-2008, woarin dat ‘n, tope met hêel Cercle, indeliks goed presteerde. E makt goals me zyn oogn toe en endigt deur e beregoeie twidde stemrounde, ’n dern in de verkiezienge van de Goudn Schoe. In januoari 2008 wos ’n oek voun ’n êeste kêe uperoopn voun de Rôo Duvels (voun e match teegn Standard). Voun de beloftn at ’n ol êentige kirs espeeld. Ze noemn nem oundertusschn de nieuwn Josip Weber, de spitse die in de joarn 90 van passird’ êeuwe 3 kirs topschutter ewist is. In dezestn moand et 'n ze kruusbandn escheurd beistn e match met de beloftn. In februoari rocht 'n eblesseerd, beistn e match met de beloftn krêegt 'n en erge neuke an ze kruusbandn. Varia
Externe koppeliengn |
Portal di Ensiklopedia Dunia
