Іван Рыгоравіч Рабкавец

Іван Рыгоравіч Рабкавец
Іван Рыгоравіч Рабкавец
Нараджэнне	6 ліпеня 1975 (50 гадоў); Лунінец, Лунінецкі раён, Брэсцкая вобласць, Беларуская ССР, СССР;
Адукацыя	Палескі дзяржаўны ўніверсітэт; Акадэмія кіравання пры Прэзідэнце Рэспублікі Беларусь;
Узнагароды

Іван Рыгоравіч Рабкавец (нар. 6 ліпеня 1975, Лунінец Брэсцкай вобласці) — беларускі палітык.

Біяграфія

Скончыў Палескі дзяржаўны ўніверсітэт (эканаміст-менеджар), Акадэмію кіравання пры Прэзідэнце Рэспублікі Беларусь (спецыяліст у галіне дзяржаўнага кіравання).

Працаваў майстрам, старшынёй прафсаюзнага камітэта, начальнікам аўтарамонтных майстэрняў, галоўным інжынерам, дырэктарам адкрытага акцыянернага таварыства «Пінскі аўтобусны парк».

З’яўляўся дэпутатам Пінскага гарадскога Савета дэпутатаў дваццаць шостага і дваццаць сёмага скліканняў. Выбіраўся дэпутатам Палаты прадстаўнікоў Нацыянальнага сходу Рэспублікі Беларусь 6-га склікання^[1].

У жніўні 2018 года быў прызначаны намеснікам міністра транспарту і камунікацый Беларусі, а ў лістападзе таго жа года стаў старшынёй Пінскага гарвыканкама. Пры гэтым захоўваў паўнамоцтвы дэпутата Палаты прадстаўнікоў да заканчэння тэрміну (лістапад 2019 года).