Ігар Кірылавіч Растоўцаў

Ігар Кірылавіч Растоўцаў
Ігар Кірылавіч Растоўцаў
Дата нараджэння	30 ліпеня 1933
Месца нараджэння	Варонеж, Цэнтральна-Чарназёмная вобласць[d], РСФСР, СССР;
Дата смерці	19 верасня 1995 (62 гады)
Грамадзянства	СССР; Беларусь;
Род дзейнасці	навуковец, інжынер
Навуковая ступень	кандыдат тэхнічных навук (1976)
Альма-матар	Пензенскі дзяржаўны ўніверсітэт[d];
Прэміі

Ігар Кірылавіч Расто́ўцаў^[1] (руск.: Игорь Кириллович Ростовцев; 30 ліпеня 1933 — 19 верасня 1995) — вучоны і канструктар ў галіне вылічальнай тэхнікі, кандыдат тэхнічных навук (1976).

Біяграфія

Нарадзіўся ў Варонежы. У 1956 годзе скончыў Пензенскі індустрыяльны інстытут. Колькі часу працаваў у Ерэване. З 1960 года вядучы інжынер на Мінскім заводзе вылічальных машын, з 1964 года — галоўны інжынер завода. У 1974—1981 гадах І. К. Растоўцаў на пасадзе дырэктара завода і адначасова генеральны дырэктар Вытворчага аб’яднання вылічальнай тэхнікі. З 1986 года працаваў на доследна-вытворчым прадпрыемстве «Аптрон» у Мінску^[1].

Навуковая дзейнасць

Асноўныя навуковыя працы І. К. Растоўцава ў галіне аўтаматызацыі праектавання і вытворчасці сродкаў вылічальнай тэхнікі. Прымаў непасрэдны ўдзел у стварэнні і арганізацыі вытворчасці сямейства ЭВМ «Мінск», сродкаў вылічальнай тэхнікі спецыяльнага прызначэння. Займаў пасаду галоўнага канструктара ЭВМ ЕС-1022.

Узнагароды

Дзяржаўная прэмія СССР (1979^[1])

Зноскі

↑ ^а ^б ^в БелЭн 2001.

Літаратура

Савік М. П. Растоўцаў Ігар Кірылавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 365—366. — 10 000 экз. — ISBN 985-11-0035-8. — ISBN 985-11-0216-4 (т. 13).