Ігнацій Бернатовіч

Ігнацій Бернатовіч (1868 — ?) — беларускі і літоўскі каталіцкі святар.

Нарадзіўся ў 1868 годзе. Прыняў сакрамент святарства ў 1895 годзе. У 1900—1920-я гады адміністратар і дэкан парафіі Беззаганнага Зачацця Найсвяцейшай Дзевы Марыі ў Рагачове Магілёўскай губерні^[1]. У 1910—1911 гадах энергічны і прадпрымальны па характары ксёндз Бернатовіч пачаў будаўніцтва новага цаглянага храма на месцы драўлянага^[2].

Пробашч касцёла Унебаўзяцця Найсвяцейшай Дзевы Марыі ў вёсцы Журавічы (Старыя Журавічы), цяпер Рагачоўскі раён, парафіі езуітаў Св. Яна Караля ў вёсцы Блонь, цяпер Пухавіцкі раён. Пазней пробашч кафедральнага касцёла Унебаўзяцця Найсвяцейшай Дзевы Марыі ў Магілёве^[1].

Арыштоўваўся савецкімі ўладамі. Вызвалены. Выехаў у Літву. У 1928 пробашч парафіі Дабужай Панявежскай дыяцэзіі. Далейшы лёс невядомы^[1].

• Маракоў, Л. БЕРНАТОВІЧ Ігнацій // Рэпрэсаваныя каталіцкія духоўныя, кансэкраваныя і свецкія асобы Беларусі (1917—1964) / Леанід Маракоў. — Мінск: Смэлтак, 2009. — 776 с. — ISBN 978-985-6917-12-0.
• Памятная книжка Могилевской губернии;
• Elenchus cleri et ecclesiarum archidioeceseos Mohiloviensis;
• Peszkowski, Zdrojewski, Katoliccy duchowni w golgocie Wschodu.