Ізраільская акадэмія прыродазнаўчых і гуманітарных навук

Ізраільская акадэмія прыродазнаўчых і гуманітарных навук
Краіна	Ізраіль
Адміністрацыйны цэнтр	Іерусалім
Тып арганізацыі	акадэмія навук і статутная карпарацыя[d]
Заснаванне
Дата заснавання	1959 і 1961[1]
Член у	Камітэт па касмічных даследаваннях[d][2] Association of Academies and Societies of Sciences in Asia[d][3] International Union of Academies[d][4] All European Academies e.V.[d][5] InterAcademy Partnership[d][6] Міжнародны навуковы савет[d][7]
academy.ac.il
Медыяфайлы на Вікісховішчы

Ізраільская акадэмія прыродазнаўчых і гуманітарных навук (іўр.: האקדמיה הלאומית הישראלית למדעים, літ. «Нацыянальная акадэмія навук Ізраіля», англ.: Israel Academy of Sciences and Humanities) — вышэйшая акадэмічная ўстанова Ізраіля. Заснавана ў 1961 годзе ў Іерусаліме з мэтай садзейнічаць кантактам вучоных прыродазнаўчых і гуманітарных навук у Ізраілі, кансультаваць органы дзяржаўнай улады па навукова-тэхнічных пытаннях. Сярод яе членаў многія вядомыя вучоныя Ізраіля.^[8]

Асноўны будынак Ізраільскай акадэміі прыродазнаўчых і гуманітарных навук размешчаны побач з афіцыйнай рэзідэнцыяй прэзідэнта Ізраіля і Саветам па вышэйшай адукацыі ў Ізраілі на плошчы Альберта Эйнштэйна ў Іерусаліме.

Акадэмія фінансуе праекты па вывучэнні геалогіі, флоры і фауны Ізраіля, даследаванні Талмуда, яўрэйскай філасофіі, літаратуры і іўрыта. На міжнародным узроўні акадэмія бярэ ўдзел у фізічных праектах CERN і кіруе фондам стыпендыі Эйнштэйна.^[9]

Акадэмія таксама кіруе Ізраільскім акадэмічным цэнтрам у Каіры, які дапамагае ізраільскім навукоўцам у даследаваннях Егіпта і егіпецкай культуры, а таксама спрыяе супрацоўніцтву з егіпецкімі навукоўцамі.

Акадэмія мае статус назіральніка ў Еўрапейскім навуковым фондзе і рэалізуе праграмы абмену з Брытанскім каралеўскім таварыствам, Брытанскай акадэміяй, Шведскай акадэміяй і Нацыянальнай даследчай радай Сінгапура.

• Ізраільская акадэмія прыродазнаўчых і гуманітарных навук (іўр.) (англ.) (ар.). Архівавана з першакрыніцы 2 мая 2023.