Іосіф Вікенцьевіч Свідзінскі

Іосіф Вікенцьевіч Свідзінскі
Іосіф Вікенцьевіч Свідзінскі
Дата нараджэння	14 студзеня 1918
Месца нараджэння	Бялынічы, Магілёўскі павет, Магілёўская губерня, Заходняя вобласць, РСФСР[d];
Дата смерці	15 лістапада 1996 (78 гадоў)
Месца смерці	Белаазёрск, Бярозаўскі раён, Брэсцкая вобласць, Беларусь;
Грамадзянства	Беларусь;
Прыналежнасць	СССР
Род войскаў	пяхота
Гады службы	1938—1946
Званне	старшына
Бітвы/войны	Савецка-фінляндская вайна, 1939—1940, Вялікая Айчынная вайна

Іосіф Вікенцьевіч Свідзі́нскі (14 студзеня 1918, Бялынічы — 15 лістапада 1996, Белаазёрск) — удзельнік савецка-фінляндскай і Вялікай Айчыннай войнаў. Герой Савецкага Саюза (1943).

Біяграфія

І. В. Свідзінскі нарадзіўся ў Бялынічах (зараз гарадскі пасёлак у Магілёўскай вобласці Беларусі). Скончыў 4 класы школы і курсы машыністаў паравозаў. Працаваў у Бярэзінскім раёне Мінскай вобласці. У Чырвонай Арміі з 1938 года. У час Вялікай Айчыннай вайны з 1941 года на Бранскім, Цэнтральным, 3-м Беларускім, 1-м Украінскім франтах.

Разведчык 177-й асобнай разведвальнай роты (163-я стралковая дывізія, 34-я армія, Паўночна-Заходні фронт) яфрэйтар І. В. Свідзінскі вызначыўся ў 1943 годзе ў час разведкі абароны праціўніка ў раёне горада Кіева. З групай байцоў выявіў агнявыя кропкі праціўніка, падарваў яго штабную машыну і здабыў важныя разведдадзеныя.

У 1946 годзе старшына І. В. Свідзінскі быў дэмабілізаваны. Жыў і працаваў у горадзе Белаазёрск (Брэсцкая вобласць Беларусі).

Узнагароды

Памяць

Ганаровы грамадзянін горада Белаазёрск з 26 чэрвеня 1988^[1] г.
Бюст героя на яго радзіме ў гарадскім пасёлку Бялынічы^[1].
Адна з вуліц Бялынічаў названая імем І. В. Свідзінскага^[2].

Зноскі

↑ ^а ^б Имени Свидинского… (руск.) // «Маяк» Грамадска-палітычная газета Бярозаўскага раёна (нявызн.)(недаступная спасылка). Архівавана з першакрыніцы 21 мая 2015. Праверана 19 мая 2015.
↑ Увековечение памяти защитников Отечества и жертв войн — Герои Советского Союза (руск.) // Сайт Бялыніцкага райвыканкама

Літаратура

Свідзінскі Іосіф Вікенцьевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 255. — 10 000 экз. — ISBN 985-11-0035-8. — ISBN 985-11-0238-5 (т. 14).