Ірына Навумаўна Колабава

Ірына Навумаўна Колабава (у дзявоцтве Рабцэвіч; нар. 1952, Гомель) — беларускі гісторык, спецыялістка ў галіне нумізматыкі і гісторыі грашовага абарачэння на тэрыторыі Беларусі. Кандыдат гістарычных навук, дацэнт^[1].

Нарадзілася 1952 года ў Гомелі^[2]. У 1975 годзе скончыла гістарычны факультэт БДУ^[1] па спецыяльнасці «Гісторыя. Настаўнік гісторыі і грамадазнаўства»^[3]. У 1990 годзе абараніла кандыдацкую дысертацыю на тэму «Манета і грашовы рахунак усходнебеларускага рынку другой паловы XVII — трэцяй чвэрці XVIII ст.»^[3][1].

З 1998 года працуе на кафедры гісторыка-культурнай спадчыны факультэта інфармацыйна-дакументных камунікацый БДУКМ, дзе выкладае такія дысцыпліны як «Гісторыя Беларусі», «Спецыяльныя гістарычныя дысцыпліны (нумізматыка, геральдыка, фалерыстыка, сфрагістыка, анамастыка, метралогія і храналогія)» і інш^[3].

З 2022 года — дацэнтка кафедры археалогіі і спецыяльных гістарычных дысцыплін гістарычнага факультэта БДУ^[1].

Член Геральдычнага савета пры Прэзідэнце Рэспублікі Беларусь^[2].

Спецыялізуецца на гісторыі грашовага абарачэння на тэрыторыі Беларусі, фальшываманецтве ў XIX стагоддзі^[3], манетных скарбах, а таксама развіцці нумізматыкі як навукі^[2].

Яе брат — беларускі гісторык Валянцін Навумавіч Рабцэвіч (1934–2008)^[2].