Агнёўка вуглялюбная

Агнёўка вуглялюбная
Навуковая класіфікацыя
прамежныя рангі Дамен:  Эўкарыёты Царства:  Грыбы Падцарства:  Вышэйшыя грыбы Аддзел:  Базідыяльныя грыбы Пададдзел:  Agaricomycotina Клас:  Агарыкаміцэты Падклас:  Agaricomycetidae Парадак:  Агарыкальныя Сямейства:  Страфарыевыя Род:  Лускаўніца Від:  Агнёўка вуглялюбная
Міжнародная навуковая назва
Pholiota highlandensis (Peck) Quadr. & Lunghini 1990
Сінонімы
Agaricus highlandensis Peck 1872 Agaricus carbonarius Fr. 1818 Gymnopilus highlandensis (Peck) Murrill 1917 Gymnopilus carbonarius (Fr.) Murrill 1912 Pholiota carbonaria (Fr.) Singer 1951 Pholiota luteobadia A.H.Sm. & Hesler 1968
Выявы на Вікісховішчы NCBI   181755 EOL   193243 MB   127444

Агнёўка вуглялюбная, лускаўніца вуглялюбная (Pholiota highlandensis) — шапкавы базідыяльны грыб з роду Лускаўніца (Pholiota) сямейства Страфарыевыя (Strophariaceae).

Пладовае цела грыба — шапка на ножцы. Шапка дыяметрам 3—8 см, плоска-пукатая. Скурка слізістая, гладкая, шараватая або жоўта-карычневая, часта з святлейшым краем. Мякаць жаўтаватая. Пласцінкі прырослыя, брудна-жаўтаватыя, з узростам аліўкава-карычневыя. Ножка цыліндрычная, пустая, з карычняватым валакніста-камякаватым кольцам, слабалускаватая, жаўтаватая, каля асновы бураватая. Споры яйцападобна-эліпсаідальныя, гладкія, жоўта-бурыя.

Пашырана ў Еўразіі, Паўночнай Амерыцы. На тэрыторыі Беларусі трапляецца ўсюды. Расце звычайна групамі на месцы вогнішчаў. Пладаносіць у чэрвені—верасні.

Неядомая.

• Агнёўка вуглялюбная // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз. — С. 27.

• Pholiota highlandensis // International Mycological Association (IMA) (англ.)