Адольф Усцінавіч Варановіч

Адольф Усцінавіч Варановіч (15 чэрвеня 1940, в. Мікольцы, Мядзельскі раён, Мінская вобласць — 2001, в. Мікольцы, Мядзельскі раён) — беларускі пісьменнік.

Нарадзіўся 15 чэрвеня 1940 года ў вёсцы Мікольцы ў сялянскай сям'і. Пасля заканчэння Мядзельскай сярэдняй школы (1957) паступіў у Мінскае мастацкае вучылішча (скончыў у 1960). Працаваў у мастацкай майстэрні Аршанскага льнокамбіната мастаком па тканінах, а таксама ў дзіцячай мастацкай школе выкладчыкам. З 1989 г. - член сцэнарна-рэдакцыйнай калегіі Дзяржаўнага камітэта БССР па тэлебачанні і радыёвяшчанні.

Член Саюза пісьменнікаў Беларусі з 1979 года^[1].

Памёр у 2001 годзе ў Мікольцах. Пахаваны там жа^[1].

Першыя апавяданні апублікаваў у 1970 г. (штотыднёвік «Літаратура і мастацтва»). Выдаў кнігі аповесцей і апавяданняў «Высокі падмурак» (1978), «Агні хат» (1986).

• Беларуская энцыклапедыя: У 18 т. Т.4: Варанецкі — Гальфстрым / Рэдкал.: Г. П. Пашкоў і інш. — Мн.: БелЭн, 1997. — Т. 4. — 480 с. — 10 000 экз. — ISBN 985-11-0090-0