Акупацыя. Містэрыі

Акупацыя. Містэрыі
Акупацыя. Містэрыі;
Жанры	драматычны фільм і ваенны фільм[d]
Рэжысёр	Андрэй Анатолевіч Кудзіненка;
Прадзюсар	Андрэй Анатолевіч Кудзіненка;
Сцэнарыст	Аляксандр Качан[d];
У галоўных; ролях	Аляксандр Іванавіч Колбышаў[d]; Анатоль Кот; Аляксандр Яраслававіч Малчанаў; Святлана Генадзеўна Зелянкоўская;
Кампазітар	Андрэй Волкаў[d];
Працягласць	90 хв.
Краіна	Беларусь;
Мовы	беларуская і нямецкая
Год	2004
IMDb	ID 0397554
Афіцыйны сайт

«Акупа́цыя. Містэ́рыі» — беларускі мастацкі фільм, зняты рэжысёрам Андрэем Кудзіненкам у 2003 годзе пры ўдзеле студый «Навігатар» і «XXI».^[2]

Сюжэт

Пяцьсот год таму яны не ведалі, што яны беларусы, але іх дзяржава была самай вялікай у Еўропе. Калі яны даведаліся пра гэта, у іх ужо не было дзяржавы, і іншыя лічылі іх, то недаробленымі рускімі, то непаўнавартаснымі палякамі. Але беларусы яшчэ былі. Нарэшце, іх запісалі ў савецкі народ. А потым пачалася вайна і акупацыя. Пасля гэтага беларусаў засталося зусім мала. Цяпер у беларусаў ёсць дзяржава. Але іх саміх ужо не засталося.

з уступнай застаўкі (руск.) (бел. фільма

Фільм складаецца з ўступлення і некалькіх навэл, звязаных паміж сабой агульнымі героямі і падзеямі, і паказанымі не ў храналагічным парадку. Твор, дзеянне якога адбываецца ў 1942 годзе, пачынаецца з дакументальных кадраў часоў нямецкай акупацыі Беларусі, у якіх паказваецца разбурэння, бедствы, злачынствы нацыстаў супраць мірнага насельніцтва, а таксама арганізацыя імі Беларускай краёвай абароны. Пасля дакументальных здымак з’яўляюцца двое беларускіх паліцаяў, якія едуць у санях. Адзін з іх спявае песні з савецкіх фільмаў, а затым кажа, што пасля вайны збіраецца здымаць кіно, але «не савецкае або нямецкае, а наша, беларускае». Другі адказвае, што «ніякага беларускага кіно ніколі не было, няма, і не будзе».

Скразным персанажам усіх містэрый з’яўляецца партызанскі ваяка Штыркін у выкананні Аляксандра Колбышава. У першай частцы яго забіваюць, але ён «уваскрасае»: гісторыі ідуць у адваротным парадку^[3].

Містэрыя першая. «Адам і Ева»

Вясковы хлопец Адам (Аляксандар Малчанаў), які йшоў у партызаны, застаецца на хутары ў абдымках каханай. Ён трапляе ў пастку жаночых чараў і забівае свайго правадніка Штыркіна.

Містэрыя другая. «Маці»

Нямая жанчына ратуе параненага нацыста, які замяняе ёй сына, што загінуў.

Містэрыя трэцяя. «Бацька»

Маленькі хлопчык так імкнецца адшукаць зніклага бацьку, што прыводзіць у дом людзей, якія забіваюць яго айчыма і маці.

У ролях

Акцёр	Роля
Аляксандр Колбышаў
Анатоль Кот
Аляксандр Малчанаў
Святлана Зелянкоўская

Здымачная група

рэжысёр — Андрэй Кудзіненка

Прэм’ера

Забаронены да паказу ў Беларусі ў 2004 годзе, пракатнае пасведчанне вярнулі ў 2010 годзе. Беларуская прэм’ера карціны на вялікім экране адбылася 15 лютага 2010 года ў кінатэатры «Піянер» у рамках кінаклуба «Формула кіно».