Альфрэд Слізень

Альфрэд Слізень
Партрэт Альфрэда Слізня. Станіслаў Маршалкевіч, 1850-1859
Нараджэнне	1840
Смерць	21 верасня 1882(1882-09-21) Мінск, Мінскі павет, Мінская губерня, Расійская імперыя
Месца пахавання	Новадзевяткавічы
Род	Слізні
Бацька	Стэфан Слізень[d]
Маці	Канстанцыя з Валовічаў[d]
Жонка	Альжбета з Тышкевічаў[d]

Альфрэд Слізень (каля 1834 — 21 верасня 1882) — прадстаўнік шляхецкага роду Слізняў^[1]. Пабудаваў у родавым маёнтку Дзявяткавічы сядзібны дом на «англійскі густ».

Быў адным з трох сыноў Стэфана Слізня (2.6.1817 — ?) і яго жонкі Канстанцыі з Валовічаў (1788 — 6.2.1841)^[1].

Валодаў Дзявяткавічамі, Дзедзілавічамі і Кастыкамі. Прадаў маёнтак Галянова^[1].

У 1859 годзе граф Альфрэд Слізень з'яўляўся дзейсным дабрачынцам Музэюма старажытнасцей Віленскай археалагічнай камісіі^[2].

Альфрэд Слізень знаходзіўся доўгі час на дзяржаўнай службе ў Міністэрстве замежных спраў Расійскай імперыі, а затым на пасадзе губернскага сакратара. Па гэтай прычыне ён падоўгу адсутнічаў у маёнтку^[3].

Узвёў у Дзявяткавічах вялікі дом у неагатычным стылі.

Быў жанаты з Элізай (Эльжбетай) з Тышкевічаў, дачкой Іосіфа Тышкевіча з Плешчаніц. Мелі дзяцей Станіслава, Генрыка, Марыю і Соф'ю^[4]. Генрык і Соф'я былі забіты бальшавікамі, Станіслаў памёр у 1910, а Марыя — у 1940 у Беластоку^[4].