Аляксандр Васілевіч Мінін

Аляксандр Васілевіч Мінін
намеснік міністра[d] 24 ліпеня 1996 — 11 лістапада 2005
намеснік Міністра архітэктуры і будаўніцтва Беларусі[d] 1994 — 24 ліпеня 1996
Нараджэнне	27 чэрвеня 1955(1955-06-27) Крычаў, Крычаўскі раён, Магілёўская вобласць, БССР, СССР
Смерць	11 лістапада 2005(2005-11-11)[1] (50 гадоў)
Адукацыя	Кіеўскі аўтамабільна-дарожны інстытут (1978)
Навуковая ступень	кандыдат тэхнічных навук
Навуковае званне	акадэмік Беларускай інжынернай акадэміі
Узнагароды

Аляксандр Васілевіч Мінін (1955—2005) — беларускі дзяржаўны дзеяч, спецыяліст у галіне дарожнага будаўніцтва і транспарту. Кандыдат тэхнічных навук. Заслужаны будаўнік Беларусі (2003).

Працоўную дзейнасць пачаў у 1972 годзе ў якасці слесара Крычаўскага лакаматыўнага дэпо Беларускай чыгункі. Пасля заканчэння ў 1978 годзе Кіеўскага аўтамабільна-дарожнага інстытута па спецыяльнасці «Масты і тунэлі» прыйшоў у дарожную галіну майстрам мостабудаўнічага ўпраўлення № 6 г. Мінска, затым працаваў на адказных пасадах у розных дарожных арганізацыях^[2].

З 1981 года працаваў на пасадзе галоўнага інжынера ў ААТ «Мостабуд» філіял МСУ № 1, г. Магілёў, з 1986 года ўзначаліў гэтае ўпраўленне^[2].

З 1990 па 1994 працаваў галоўным інжынерам ААТ «ДБТ № 3»^[2].

З 1994 года па 2005 год А. У. Мінін кіраваў дарожнай гаспадаркай рэспублікі^[2]: у 1994—1996 гадах намеснік міністра архітэктуры і будаўніцтва, у 1996—2002 гадах намеснік міністра транспарту і камунікацый ― старшыня Камітэта па аўтамабільных дарогах^[3], у 2002—2005 гадах першы намеснік міністра транспарту і камунікацый ― дырэктар дэпартамента «Белаўтадар»^[4].

Акадэмік Беларускай інжынернай акадэміі і Міжнароднай інжынернай акадэміі транспарту. Член-карэспандэнт Міжнароднай інжынернай акадэміі^[2].

• Повышение долговечности мостов в агрессивных средах за счет использования эффективных химических и эмульсионно-минеральных материалов : автореферат диссертации … кандидата технических наук : 05.23.05 ; 05.23.11 / Минин Александр Васильевич. — Москва, 2002.

Велізарны ўклад Аляксандр Васілевіч унёс у развіццё беларускага міні-футбола^[2].

Стварэнне галіновай каманды «Дарожнік» — вядучага клуба рэспублікі па міні-футболе, шматразовага пераможцы нацыянальных чэмпіянатаў і неаднаразовага ўладальніка Кубка Беларусі — непарыўна звязана з яго імем^[2].

У памяць пра Аляксандра Васілевіча Мініна штогод праводзіцца турнір па міні-футболе сярод каманд дарожнай галіны^[2].