Аляксандр Міхайлавіч Дзядзько

Аляксандр Міхайлавіч Дзядзько
Род дзейнасці	анестэзіёлаг, рэаніматолаг
Месца працы	9-я гарадская клінічная бальніца[d] Мінскі НПЦ хірургіі, транспланталогіі і гематалогіі[d] ІПКіПКАЗ
Навуковая ступень	доктар медыцынскіх навук (2017)
Навуковае званне	дацэнт
Альма-матар	Санкт-Пецярбургская дзяржаўная медыцынская акадэмія імя І. І. Мечнікава[d]
Прэміі
Узнагароды

Аляксандр Міхайлавіч Дзядзько — беларускі анестэзіёлаг-рэаніматолаг. Доктар медыцынскіх навук.

Дзяцінства прайшло ў Чарнігаве. Скончыў лячфак 2-га Ленінградскага медінстытута, праходзіў інтэрнатуру ў Смаленскай абласной бальніцы, там яму прапанавалі стаць анестэзіёлагам-рэаніматолагам. Затым быў накіраваны ў ЦРБ пасёлка Хіславічы Смаленскай вобласці^[1].

У 1990-я гады ўдзельнічаў у стварэнні медыцынскага цэнтра МТЗ. У 1998 годзе ён стаў загадчыкам аддзялення анестэзіялогіі 9-й гарадской бальніцы Мінска, ператворанай затым у Мінскі НПЦ хірургіі, транспланталогіі і гематалогіі. Вясной 2008 года Аляксандр Дзядзько разам з калегамі выканалі першую аперацыю па перасадцы печані. З 2009 года паралельна працуе ў Беларускай медыцынскай акадэміі паслядыпломнай адукацыі^[2].

По інфармацыі «Народнай Волі» 15 мая 2019 года яго выклікалі на размову ў Дэпартамент фінансавых расследаванняў Камітэта дзяркантролю, а пасля ён быў затрыманы^[3]. Прадстаўнік Следчага камітэту 17 мая пацвердзіў факт затрымання Аляксандра Дзядзько^[4]. Следчым камітэтам была заведзена і расследуецца крымінальная справа ў дачыненні А. Дзядзько па фактах атрымання хабараў ад прадстаўнікоў камерцыйных структур за вырашэнне пытанняў, якія ўваходзяць у ягоную кампетэнцыю. Аднак 20 мая Аляксандр Дзядзько выйшаў на працу, яму змянілі меру стрымання на падпіску аб нявыездзе^[5].

Лаўрэат Дзяржаўнай прэміі Беларусі за распрацоўку і ўкараненне тэхналогій трансплантацыі органаў у дзяцей і дарослых. 25 студзеня 2019 года атрымаў з рук Аляксандра Лукашэнкі дыплом доктара медыцынскіх навук. Быў ганараваны званнем «Мінчанін года — 2013» у галіне аховы здароўя.