Аляксей Емяльянавіч Талмачоў

Аляксей Емяльянавіч Талмачоў
Дата нараджэння	1 мая 1925(1925-05-01)
Месца нараджэння	Краснатуранскі раён, Мінусінскі павет[d], Енісейская губерня[d], РСФСР, СССР
Дата смерці	24 чэрвеня 1944(1944-06-24) (19 гадоў)
Месца смерці	Бешанковіцкі раён, Віцебская вобласць, БССР, СССР
Месца пахавання	Вайсковыя могілкі ў Шуміліне
Прыналежнасць	СССР
Род войскаў	пяхота
Званне	радавы
Бітвы/войны	Вялікая Айчынная вайна
Узнагароды і званні

Аляксей Емяльянавіч Талмачоў (1 мая 1925, с. Нова-Свініна (цяпер Краснатуранскі раён, Краснаярскага краю) — 24 чэрвеня 1944, Бешанковіцкі раён) — Герой Савецкага Саюза.

Пасля заканчэння 5 класаў працаваў трактарыстам. У студзені 1942 года быў прызваны ў РККА. З лютага таго ж года на франтах Вялікай Айчыннай вайны. Да чэрвеня 1944 года гвардзіі радавы Аляксей Талмачоў быў разведчыкам 213-га гвардзейскага стралковага палка 71-й стралковай дывізіі 6-й гвардзейскай арміі першага Прыбалтыйскага фронту.

24 чэрвеня 1944 года Талмачоў падабраўся да кулямётнага гнязда і гранатай падарваў яго, што спрыяла поспеху баявых дзеянняў. У далейшым наступленні Талмачоў у складзе перадавога атраду пераправіўся праз Заходнюю Дзвіну ў раёне в. Мамойкі Бешанковіцкага раёна і актыўна ўдзельнічаў у захопе і абароне плацдарма на заходнім беразе Дзвіны. У тых баях загінуў.

Пахаваны на вайсковых могілках у г. п. Шуміліна. Указам Прэзідыума Вярхоўнага Савета СССР 22 ліпеня Аляксею Талмачову прысвоена званне Героя Савецкага Саюза.

Імя Талмачова носіць вуліца ў г. п. Шуміліна^[1].

• Герой Савецкага Саюза (1944)
• Ордэн Леніна
• Ордэн Айчыннай вайны 2-й ступені

• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.