Аляксей Канідзеевіч Флегантаў

Флегантаў Аляксей Канідзеевіч
руск.: Алексей Кандиевич Флегонтов
Дата нараджэння	16 сакавіка 1888(1888-03-16)
Месца нараджэння	Алачы[d], Нерчынска-Завадскі павет[d], Забайкальская вобласць, Расійская імперыя
Дата смерці	11 сакавіка 1943(1943-03-11) (54 гады)
Грамадзянства	СССР
Прыналежнасць	Расійская імперыя,  СССР
Род войскаў	партызаны
Гады службы	1917—1922, 1941—1943
Званне	генерал-маёр
Камандаваў	партызанская брыгада «За Радзіму»
Бітвы/войны	Грамадзянская вайна, Вялікая Айчынная вайна
Узнагароды і званні

Аляксей Канідзеевіч Фле́гантаў^[1] (4 (16) сакавіка 1888 — 11 сакавіка 1943) — удзельнік Грамадзянскай і Вялікай Айчыннай войнаў, адзін з кіраўнікоў партызанскага руху ў Падмаскоўі і на тэрыторыі Беларусі падчас Вялікай Айчыннай вайны, генерал-маёр.

А. К. Флегантаў нарадзіўся ў сяле Алочы (зараз у Нерчынска-Завадскім раёне Забайкальскага края Расіі). З казакоў. Працаваў настаўнікам у Хабараўскім павеце^[2]. У 1917 годзе скончыў школу прапаршчыкаў. дзельнік Грамадзянскай вайны, барацьбы за Савецкую ўладу на Далёкім Усходзе. У 1918 годзе сфарміраваў чырванаармейскі атрад, удзельнік баявых дзеянняў Усурыйскага фронту^[2]. Пазней — камандзір партызанскага атрада на Далёкім усходзе, камандзір палка, камандзір стралковай брыгады ў скаладзе Амурскай дывізіі, начальнік 1-й Амурскай дывізіі Народна-рэвалюцыйнай арміі Далёкаўсходняй рэспублікі, камандзіра стралковай дывізіі 2-й Амурскай арміі, камандзір 5-й Хабараўскай дывізіі, член Ваеннага савета Забайкальскай ваеннай акругі, часова выконваў абавязкі яе камандуючага^[2]. У снежні 1921 г. А. К. Флегантаў у складзе групы быў накіраваны ў тыл белай арміі з мэтай арганізацыі партызанскага руху^[2]. У Сучанскай даліне ён арганізаваў савет партызанскіх атрадаў і да красавіка 1922 г. быў камандуючым партызанскім сіламі Прымор'я^[2].

У 1922—1941 гг. А. К. Флегантаў на савецкай і гаспадарчай рабоце ў Хабараўску, Кіеве, Маскве^[3], член УЦВК СССР, кіраваў камітэтам па справах друку Далёкаўсходняга крайвыканкама^[2].

Падчас Вялікай Айчыннай вайны ў Чырвонай Арміі (з лета 1941 г.)^[2]. Удзельнічаў у арганізацыі партызанскага руху на тэрыторыі Смаленскай і Маскоўскай абласцей^[2]. У жніўні 1942 года створаны па ініцыятыве Флегантава кавалерыйскі атрад пад яго камандаваннем быў накіраваны на тэрыторыю Беларусі. З кастрычніка 1942 г. па сакавік 1943 г. А. К. Флегантаў камандзір партызанскай брыгады «За Радзіму», дзейнічаўшай на тэрыторыі Маларыцкага і Дзівінскага раёнаў Брэсцкай вобласці, Асіповіцкага і Бабруйскага раёнаў Магілёўскай вобласці, Пухавіцкага і Чэрвеньскага раёнаў Мінскай вобласці, а таксама на тэрыторыі Валынскай вобласці Украіны^[4].

11 сакавіка 1943 г. А. К. Флегантаў загінуў у баі з карнікамі ў Асіповіцкім раёне Магілёўскай вобласці^[3]. Пахаваны ў брацкай магіле каля вёскі Макаўе Асіповіцкага раёна^[5]. Партызанскай брыгадзе «За Радзіму» 9 красавіка 1943 г. было прысвоена яго імя^[3].

• Ордэн Леніна
• Ордэн Чырвонага Сцяга

• Імем А. К. Флегантава названая адна з вуліц у Хабараўску^[5].
• У 1974 г. на ўшанаванне памяці А. К. Флегантава ў горадзе Чэрвень ўстаноўлены яго скульптурны партрэт^[3].
• Імя А. К. Флегантава прысвоена школе № 2 горада Чэрвень^[5].

• Флегонтов А. К. Партизанской тропой. 15-летие Октябрьской революции и 10-летие Советов на Дальнем Востоке. — Хабаровск: Дальгиз, 1932. — 32 с.^[6]
• Флегонтов А., Яньков П. Уссурийский фронт — Владивосток: Дальгиз, 1932.^[7]

• Беларуская энцыклапедыя: У 18 т. Т. 16: Трыпалі — Хвіліна / Рэдкал.: Г. П. Пашкоў і інш. — Мн. : БелЭн, 2003. — Т. 16. — С. 427. — 10 000 экз. — ISBN 985-11-0035-8. — ISBN 985-11-0263-6 (т. 16).

• Залесский К. А. Великая Отечественная война. Большая биографическая энциклопедия, 2013 г. Архівавана 5 сакавіка 2016. (руск.)
• Флегонтов Алексей Кандиевич — Биография Архівавана 1 ліпеня 2014. (руск.)
• Имена героев ВОВ на улицах Хабаровска Архівавана 12 лютага 2020. (руск.)