Аляксей Мікалаевіч Цюльга

Аляксей Мікалаевіч Цюльга
Дата нараджэння	22 мая 1922(1922-05-22)
Месца нараджэння	Краснапольскі раён, Беларусь
Дата смерці	18 лістапада 1953(1953-11-18) (31 год)
Месца смерці	Балград, Балградскі раён, Ізмаільская вобласць, УССР, СССР
Месца пахавання	Балград
Бітвы/войны	Вялікая Айчынная вайна
Узнагароды і званні

Аляксей Мікалаевіч Цюльга́^[1] (22 мая 1922, вёска Клясіна, Краснапольскі раён, Магілёўская вобласць — 18 лістапада 1953, Балград, Адэская вобласць) — Герой Савецкага Саюза.

Нарадзіўся ў сялянскай сям'і. Да вайны закончыў Клясінскую сямігодку. У 1940 годзе прызваны ў Чырвоную Армію. У першыя дні Вялікай Айчыннай вайны стаў абаронцам Радзімы. Пры адступленні савецкіх войскаў трапіў у палон. З 1942 г. стаў партызанам атрада імя Калініна, затым 1-й Гомельскай партызанскай брыгады. З 1943 года ваяваў на Беларускім і 1-м Украінскім франтах.

Вызначыўся пры вызваленні Польшчы. 29 ліпеня 1944 г. у раёне горада Юзефаў з 2 разведчыкамі пераправіўся цераз Віслу і разведаў лінію абароны праціўніка. У бaі за плацдарм знішчыў 15 гітлераўцаў. У раёне мястэчка Kiселін захапіў двух «языкоў». Указам Прэзідыума Вярхоўнага Савета СССР ад 23 верасня 1944 г. прысвоена званне Героя Савецкага Саюза. Узнагароджаны ордэнам Леніна, ордэнам Славы 3 ступені, медалямі.

Пасля вайны служыў у Савецкай Apміі, у 1946 годзе скончыў танкавае вучылішча, у 1951 годзе — курсы лейтэнантаў. Жыў і працаваў у горадзе Чырчык Ташкенцкай вобласці Узбекістана, потым у горадзе Балград Адэскай вобласці^[2].

А. М. Цюльга памёр 18 лістапада 1953 г. Яго імем названа вуліца ў аграгарадку Леніна Краснапольскага раёна.

• Цюльга Аляксей Мікалаевіч // Беларуская энцыклапедыя: У 18 т. Т. 17: Хвінявічы — Шчытні / Рэдкал.: Г. П. Пашкоў і інш. — Мн. : БелЭн, 2003. — Т. 17. — 512 с. — 10 000 экз. — ISBN 985-11-0035-8. — ISBN 985-11-0279-2 (т. 17). — С. 185.

Алексей Николаевич Тюльга на сайце «Героі краіны»