Анатоль Вячаслававіч Александровіч

Анатоль Вячаслававіч Александровіч
Дата нараджэння	6 студзеня 1953(1953-01-06)[1]
Месца нараджэння	Дзяржынск, Дзяржынскі раён, Мінская вобласць, Беларуская ССР, СССР
Дата смерці	26 мая 2017(2017-05-26) (64 гады)
Месца смерці	Мінск, Беларусь
Род дзейнасці	графік
Месца працы	Беларусь
Жанр	кніжная графіка і станковая графіка
Вучоба	Беларускі дзяржаўны тэатральна-мастацкі інстытут (1979)
Член у	Беларускі саюз мастакоў

Анатоль Вячаслававіч Александровіч (6 студзеня 1953(1953-01-06)^[1], Дзяржынск, Мінская вобласць — 26 мая 2017(2017-05-26), Мінск) — беларускі графік.

Нарадзіўся 6 студзеня 1953 года ў Дзяржынску Мінскай вобласці. Скончыў Беларускі тэатральна-мастацкі інстытут у 1979 годзе. Удзельнік мастацкіх выставак з 1982 года^[2].

Працаваў у 1983—1995 гадах мастаком у часопісе «Беларусь», з 1986 года шэф-рэдактар выдавецтва «Дзіцячая газета»^[2].

Член Беларускага саюза мастакоў з 1989 года^[2].

Жыў у Мінску^[2]. Памёр 26 мая 2017 года^[3].

Працаваў у станковай, а таксама кніжнай графіцы. Асноўныя творы: серыі афортаў «Францыск Скарына», «Вялікая Айчынная», «У. І. Ленін з намі», «Ты снішся мне, Няміга», «Старая Рудзіца». Творы знаходзяцца ў Нацыянальным мастацкім музеі Беларусі, Музеі сучаснага выяўленчага мастацтва ў Мінску^[2].

• Александровіч Анатоль Вячаслававіч // Беларускі саюз мастакоў, 1938—1998 = Belarussian union of artists, 1938—1998 : Энцыкл. давед. / Аўт.-склад.: Б. А. Крэпак і інш.. — Мн.: ВТАА «Кавалер Паблішэрс», 1998. — 663 с. — 3 000 экз. — ISBN 985-6427-09-6.

• Анатоль Вячаслававіч Александровіч на сайце анлайн-энцыклапедыі «Беларусь у асобах і падзеях»