Анатоль Пятровіч Селязнёў

Анатоль Пятровіч Селязнёў
Дата нараджэння	29 студзеня 1923(1923-01-29)
Месца нараджэння	Ярушнікавы[d], Кацельніцкі павет[d], Вяцкая губерня, РСФСР, СССР
Дата смерці	19 кастрычніка 1993(1993-10-19) (70 гадоў)
Месца смерці	Ніжні Тагіл, Свярдлоўская вобласць, Расія
Месца пахавання	Ніжні Тагіл
Альма-матар	Уральскі дзяржаўны юрыдычны ўніверсітэт[d]
Грамадзянства	СССР
Прыналежнасць	СССР
Род войскаў	пяхота
Званне	капітан
Бітвы/войны	Вялікая Айчынная вайна
Узнагароды і званні

Анатоль Пятровіч Селязнёў^[1] (руск.: Анатолий Петрович Селезнёв; 29 студзеня 1923 — 19 кастрычніка 1993) — удзельнік Вялікай Айчыннай вайны, Герой Савецкага Саюза (1945).

Нарадзіўся ў вёсцы Ярушнікавы Кацельніцкага павета Вяцкай губерні (у сучасным Кацельніцкім раёне Кіраўскай вобласці Расіі). Скончыў пачатковую школу. У 1936 годзе разам з бацькамі пераехаў у Ніжні Тагіл, дзе скончыў 9 класаў. У Чырвонай Арміі з 1 студзеня 1942 года. Скончыў Камышлоўскае ваеннае пяхотнае вучылішча. У дзеючай арміі з лютага 1944 года. Камандзір узвода 766-га стралковага палка (217-я стралковая дывізія, 48-я армія, 1-ы Беларускі фронт). Вызначыўся дзейнічаючы ў складзе дэсантнай групы, 3 ліпеня 1944 года ў баі за вёску Узляны Рудзенскага раёна Мінскай вобласці. Замяніў выбыўшага са строю камандзіра роты, адбіў 6 контратак ворага і вызваліў вёску.

У 1947 годзе капітан Селязнёў звольнены ў запас. Жыў у Ніжнім Тагіле. Скончыў Свярдлоўскі юрыдычны інстытут. Працаваў адвакатам у Свярдлоўскай абласной калегіі адвакатаў, у юрыдычнай кансультацыі ў Ніжнім Тагіле. Памёр 19 кастрычніка 1993 года^[2]. Пахаваны ў Ніжнім Тагіле на Вісімскіх могілках^[2].

• Медаль «Залатая Зорка» (1945)
• Ордэн Леніна (1945)
• Ордэн Чырвонага Сцяга (1944)
• Ордэн Аляксандра Неўскага
• Ордэн Айчыннай вайны I ступені
• Заслужаны юрыст РСФСР
• медалі.

• Мемарыяльная дошка ў Ніжнім Тагіле.
• Імя А. П. Селязнёва ўвекавечана на мемарыяльнай дошцы ў парку ў горадзе Кіраў.

• Селязнёў Анатоль Пятровіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 315. — 10 000 экз. — ISBN 985-11-0035-8. — ISBN 985-11-0238-5 (т. 14).
• Герои Советского Союза: Краткий биографический словарь / Пред. ред. коллегии И. Н. Шкадов. — М.: Воениздат, 1988. — Т. 2 /Любов — Ящук/. — 863 с. — 100 000 экз. — ISBN 5-203-00536-2.

• Селезнёв Анатолий Петрович // Музей Победы Архівавана 28 кастрычніка 2021. (руск.)
• В Нижнем Тагиле установили памятную доску в честь Героя Советского Союза Анатолия Селезнева // Сетевое издание «Тагильский рабочий» Архівавана 27 студзеня 2021. (руск.)
• Память народа — электронный банк документов периода Великой Отечественной войны Архівавана 27 кастрычніка 2021. (руск.)