Андрэй Уладзіміравіч Дзмітрыеў

Андрэй Уладзіміравіч Дзмітрыеў (нар. 12 мая 1981, Мінск) — беларускі палітык, грамадскі дзеяч, палітолаг.

Нарадзіўся ў 1981 годзе ў Мінску.

Скончыў Еўрапейскі гуманітарны ўніверсітэт (Літоўская Рэспубліка), палітолаг. Праходзіў тэрміновую службу ў войску.

У 2015 годзе ўзначальваў ініцыятыўную групу грамадзян па вылучэнні кандыдатам на прэзідэнцкіх выбарах Таццяны Караткевіч.

З верасня 2019 года сустаршыня Рэспубліканскага грамадскага аб'яднання «Гавары праўду». Балатаваўся кандыдатам у дэпутаты Палаты прадстаўнікоў Нацыянальнага сходу Рэспублікі Беларусь сёмага склікання.

Кандыдат на прэзідэнцкіх выбарах у Беларусі 2020 года^[1]. У выпадку перамогі меркаваў стварыць пераходны ўрад з альтэрнатыўнымі кандыдатамі і правесці цягам года новыя выбары^[2]

Жыве ў вёсцы Воўкавічы. Жанаты, мае трох сыноў.

Пад канец 2020 года заняўся стварэннем палітычнай партыі пад назвай «Наша партыя»^[3]. Затрыманы 12 жніўня 2021 года^[4], вызвалены ў той жа дзень.

Зноў быў затрыманы 11 студзеня 2023 года^[5]. У красавіку 2023 года Дзмітрыеву прысудзілі 1,5 гады калоніі^[6]. У лютым 2023 года праваабарончыя арганізацыі Беларусі прызналі Дзмітрыева палітычным зняволеным^[7]. Вызваліўся 20 красавіка 2024 года.