Андрэй Яўгенавіч Паротнікаў

Андрэй Яўгенавіч Паротнікаў (нар. 24 лютага 1978) — беларускі палітолаг, спецыяліст па праблемах бяспекі. Кіраўнік аналітычнага цэнтра Belarus Security Blog; член Рады арганізацыі «Правы альянс» (2010—2011).

Згодна з указам А. Лукашэнкі ад 19 верасня 2022 г. Андрэй Паротнікаў, капітан міліцыі запасу, быў пазбаўлены звання.

Меркавана, Паротнікава затрымалі ў Маскве 19 сакавіка 2023 года і даставілі ў Мінск, дзе ён быў змешчаны ў СІЗА КДБ. Абвінавачаны паводле пяці артыкулаў Крымінальнага кодэкса: здрада дзяржаве (ч. 1 арт. 356); змова або іншыя дзеянні, здзейсненыя з мэтай захопу ўлады (ч. 1 арт. 357); садзейнічанне экстрэмісцкай дзейнасці (ч. 2 арт. 361-4); уваходжанне ў склад экстрэмісцкага фарміравання (ч. 3 арт. 361-1); перашкода здзяйсненню выбарчых правоў (ч. 2 арт. 191). Па дзяржаўным канале АНТ паказалі фільм пра затрыманне Паротнікава. У ім намеснік начальніка следчага ўпраўлення КДБ Канстанцін Бычак казаў, што аналітык «мэтанакіравана даў згоду прадстаўніку польскай выведкі на супрацоўніцтва». Паводле версіі КДБ, ваенны эксперт выконваў «заданні па зборы і аналізе» звестак «у сацыяльнай, эканамічнай, палітычнай і ваеннай сферах, у тым ліку закрытага характару».

Судовы працэс распачаўся 16 кастрычніка 2024 года ў Мінскім абласным судзе, пасяджэнні былі закрытыя, суддзя Вячаслаў Тулейка. Андрэй Паротнікаў быў прысуджаны да 10 гадоў зняволення.

Лаўрэат прэміі Святланы Навумавай (2020).

Артыкулу нестае спасылак на крыніцы. Змест артыкулаў мусіць быць правяральным або іх могуць выдаліць. Вы можаце адрэдагаваць артыкул і дадаць спасылкі на аўтарытэтныя крыніцы.