Ануфрый Мацвеевіч Наркевіч-Ёдка

Ануфрый Мацвеевіч Наркевіч-Ёдка
Ліс
межавы суддзя Ігуменскага павета[d] 1814 — 1820
Харунжы Ігуменскага павета[d] 1830 — 1832
маршалак шляхты Ігуменскага павета 1832 — 1835
Нараджэнне	каля 1776
Род	Наркевічы-Ёдкі[d]
Бацька	Мацей Наркевіч-Ёдка[d]
Маці	Францішка з Цвіркаў[d]
Жонка	Петранэля з Забелаў[d]
Дзеці	Тамаш Ануфрыевіч Наркевіч-Ёдка, Дамінік Аляксандр Наркевіч-Ёдка[d] і Атон Наркевіч-Ёдка[d]
Узнагароды

Ануфрый Мацвеевіч Наркевіч-Ёдка (нар. каля 1776) — дзяржаўны службовец.

Паходзіў са шляхецкага роду Наркевічаў-Ёдкаў герба «Ліс». Нарадзіўся ў сям’і Мацея Наркевіча-Ёдкі і Францішкі з Цвіркаў (пам. паміж 1790 і 1796)^[1].

Столаначальнік Нясвіжскага ніжняга земскага суда (1796), калежскі актуарый (адстаўка з Мінскага губернскага праўлення ад 07.09.1798), загадчык архіва князёў Радзівілаў у г. Нясвіжы^[1].

27 мая 1805 года набыў у стражніка сталовіцкага Гераніма Мітарноўскага падданага Паўла Грышэўскага, 12(19?) сакавіка 1817 года набыў на аўкцыёне маёнтак Цна Мінскага павета Вінцэнта Талочкі, валодаў маёнткам Лапухі Ігуменскага павета з 309 падданымі (паводле дэкрэта Радзівілаўскай камісіі ад 07.07.1823)^[1].

Суддзя межавы (1814—1820), харужы (на 1830—1832), маршалак павятовы ігуменскі ў 1832—1835 годзе^[1].

Рабіў вывад шляхецтва ў 1802 і 1824 гадах^[1].

Кавалер ордэна Св. Станіслава 4-й ст^[1].

У шлюбе з Петранэляй з Забелаў^[1]. Дзеці^[1]:

• Дамінік Аляксандр (1804 — да 1851). Жонка Юзэфа.
• Ян Тамаш Валерыян Северын (нар. 1809). Жонка Альжбета.
• Тамаш Міхал (1810 — пасля 1872). Жонка Тэафіла Пілецкая.
• Вільгельм Юльян (1811 — да 1839)
• Зянон Юльян Міхал (нар. 1816). Жонка Тэафіла.
• Антоні Стэфан Отан (1818 — паміж 1886 і 1888). Жонка Анэля Эстка.

• 15. Ёдкі, Наркевічы-Ёдкі герба «Ліс» // Гербоўнік беларускай шляхты. Т. 6. Е, Ё, Ж / Я. Глінскі [і інш.]; навук. рэд. А. Рахуба. — Мінск : Беларусь, 2020. — С. 74. — 543 с. — ISBN 978-985-01-1345-0.