Арцём Іванавіч Салодышаў

Арцём Іванавіч Салодышаў
Дата нараджэння	5 кастрычніка 1910(1910-10-05)
Месца нараджэння	Лазаравічы, Навабыхаўская воласць[d], Быхаўскі павет, Магілёўская губерня, Расійская імперыя
Дата смерці	27 студзеня 1960(1960-01-27) (49 гадоў)
Месца смерці	Быхаў, Быхаўскі раён, Магілёўская вобласць, БССР, СССР
Месца пахавання	Быхаў
Прыналежнасць	СССР
Род войскаў	пяхота
Гады службы	1939—1945
Званне	сяржант
Бітвы/войны	Польскі паход РСЧА, Савецка-фінская вайна, Вялікая Айчынная вайна
Узнагароды і званні

Арцём Іванавіч Салодышаў (5 кастрычніка 1910, вёска Лазаравічы, Быхаўскі раён, Магілёўская вобласць — 27 студзеня 1960, Быхаў) — Герой Савецкага Саюза (24.03.1945).

Удзельнік вызвалення Заходняй Беларусі ў 1939 г., савецка-фінляндскай вайны 1939-40 гг. У Вялікую Айчынную вайну партызан, з 1943 г. камандзір узвода 810-га партызанскага палка, з 1944 г. на фронце. Камандзір стралковага аддзялення сяржант А. І. Салодышаў вызначыўся пры вызваленні Магілёўскай вобл. 27.06.1944 г. пад моцным артылерыйска-мінамётным агнём пераправіўся цераз Дняпро на поўдзень ад Магілёва. У баі за в. Стайкі гранатамі знішчыў дзот, які стрымліваў наступленне савецкай пяхоты. Быў паранены, але поля бою не пакінуў. Агнём з аўтамата знішчыў 27 гітлераўцаў.

Пасля вайны жыў у Быхаве, працаваў інспектарам Дзяржрыбнагляду. Пахаваны ў Быхаве. Імем А. І. Салодышава названы вуліца і завулак у Быхаве, яго імя насілі піянерскія дружыны Быхаўскай СШ № 4 і Навабыхаўскай СШ Быхаўскага раёна.

• Салодышаў Арцём Іванавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 112. — 10 000 экз. — ISBN 985-11-0035-8. — ISBN 985-11-0238-5 (т. 14).
• Салодышаў Арцём Іванавіч // Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — С. 553. — 680 с. — 20 000 экз. — ISBN 5-85700-012-2.