Ачоса-Рудня

Вёска Ачоса-Рудня Краіна Беларусь Вобласць Гомельская Раён Добрушскі Сельсавет Дзям’янкаўскі Каардынаты 52°34′00″ пн. ш. 31°35′00″ у. д.HGЯO Першая згадка XIX век Нацыянальны склад беларусы, рускія і інш. Часавы пояс UTC+3 Тэлефонны код +375 2333 Аўтамабільны код 3 СААТА 3212812046 Ачоса-Рудня на карце Беларусі ±

Ачоса-Рудня^[1] (руск.: Очёсо-Рудня) — былая^[2] вёска ў Добрушскім раёне Гомельскай вобласці Беларусі. Уваходзіла ў склад Дзям’янкаўскага сельсавета.

У выніку катастрофы на Чарнобыльскай АЭС і радыеактыўным забруджваннем усе жыхары, 65 сем'яў, пераселеныя ў 1990-1992 гадах у чыстыя месцы.

За 26 км на паўночны ўсход ад раённага цэнтра Добруш і чыгуначнай станцыі ў гэтым горадзе, за 54 км ад Гомеля.

Рака Ачоса (прыток ракі Іпуць, у басейне Дняпра).

Транспартная сувязь па аўтадарозе з Добрушам.

У вёсцы няма жылых дамоў (2004). Планіроўка — амаль прамалінейная вуліца, з мерыдыяннай арыентацыяй, да якой прымыкае кароткая прамалінейная вуліца. На поўдні, за ракой, невялікі адасоблены ўчастак забудовы. Забудова драўлянымі дамамі.

Па пісьмовых крыніцах вёска вядомая з XIX стагоддзя, як вёска ў Беліцкага павета Магілёўскай губерні. З 1834 года дзейнічала цагляная царква. Праз вёску праходзіла паштовая дарога з Навазыбкава ў Беліцу. З 1880 года дзейнічаў хлебазапасны магазін. У 1885 годзе ў вёсцы працаваў вадзяны млын. У 1897 годзе — карчма, у Вылеўскай воласці Гомельскага павета. У 1901 годзе пачала працаваць бровар. У школе ў 1907 годзе было 29 вучняў. У 1926 годзе ў вёсцы працавалі крама, паштовае аддзяленне, пачатковая школа.

З 8 снежня 1926 года па 8 студзеня 1965 года цэнтр Ачоса-Руднянскага сельсавета (пасля — у складзе Кругоўскага сельсавета) Добрушскага, з 4 жніўня 1927 года Веткаўскага раёнаў Гомельскай акругі, з 20 лютага 1938 года Гомельскай вобласці.

У 1931 годзе працавалі маслазавод, паравы млын, кузня.

Уваходзіла ў склад калгаса «Світанне» (руск.: «Рассвет»).

Падчас Вялікай Айчыннай вайны акупаваная са жніўня 1941 года па 27 верасня 1943 года. За гэты час імі было забіта 24 мірных жыхара. У баі за вёску ў 1943 годзе загінула 17 савецкіх салдат, пахаваных у брацкай магіле на паўднёвай ускраіне вёскі. На франтах вайны загінулі 131 жыхар вёскі.

У 2005 годзе вёска Ачоса-Рудня выключана з дадзеных па ўліку і рэгістрацыі адміністрацыйна-тэрытарыяльных і тэрытарыяльных адзінак як фактычна неіснуючы населены пункт^[2].

• 1992 год — жыхароў няма (пераселены).

• 1885 год — 75 двароў, 455 жыхароў.
• 1897 год — 85 двароў, 571 жыхар.
• 1909 год — 86 двароў, 543 жыхары.
• 1926 год — 124 двары, 601 жыхар.
• 1959 год — 911 жыхароў (паводле перапісу).
• 1992 год — жыхароў няма (пераселены).

• Брацкая магіла (1943) —  Гісторыка-культурная каштоўнасць Беларусі, шыфр 313Д000242шыфр 313Д000242

1. ↑ Рапановіч, Я. Н. Слоўнік назваў населеных пунктаў Гомельскай вобласці / Я. Н. Рапановіч; Рэд. П. П. Шуба. — Мінск: Навука і тэхніка, 1986. — 240 с. (ст. 25).
2. ↑ ^{а б} Решение Гомельского областного исполнительного комитета от 20 января 2005 года № 29 "Об исключении из данных по учету и регистрации административно-территориальных и территориальных единиц населенных пунктов Брагинского, Добрушского, Кормянского и Наровлянского районов" (нявызн.)(недаступная спасылка). Архівавана з першакрыніцы 10 красавіка 2022. Праверана 28 кастрычніка 2024.

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: БелЭн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

• На Вікісховішчы пакуль няма медыяфайлаў па тэме, але Вы можаце загрузіць іх