Аэрапорт Барселона-Эль-Прат

Аэрапорт Барселона - Эль-Прат
Аэрапорт Барселона - Эль-Прат
	ісп.: Aeropuerto de Barcelona-El Prat
	;
	ІАТА: BCN — ІКАА: LEBL
Інфармацыя
Тып	публічны
Краіна	Іспанія;
Размяшчэнне	Эль-Прат-дэ-Льябрэгат, Каталонія
Дата адкрыцця	1916
Уладальнік	Aena
Эксплуатант	Aena[d]
Вышыня НУМ	+4 м
Плошча	1 300 га;
Сайт	aena.es/es/josep-… (ісп.); aena.es/en/josep-… (англ.)
Узлётна-пасадачныя палосы
Статыстыка (2009)
Гадавы пасажырапаток	41 639 622
	Медыяфайлы на Вікісховішчы

Міжнародны аэрапорт Барселона-Эль-Прат (катал.: Aeropuerto de Barcelona-El Prat) — міжнародны аэрапорт, найбуйнейшы ў Каталоніі і другі па пасажыраабароце у Іспаніі.

Аэрапорт размешчаны прыблізна за 10 км на паўднёвы захад ад цэнтра Барселоны ў муніцыпалітэце Эль-Прат-дэ-Льёбрэгат. У 2008 годзе паслугамі аэрапорта скарысталіся 30.208.134 пасажыры. Маршрут у аэрапорт Мадрыд-Барахас з’яўляецца найбуйнейшым у свеце па колькасці пасажыраў. Аднак, з лютага 2008 года была ўведзена AVE — высакахуткасная чыгуначная магістраль паміж гарадамі, і колькасць авіярэйсаў пачала памяншацца.

16 чэрвеня 2009 г. адкрыўся новы тэрмінал аэрапорта плошчай у 544 тыс. км, які атрымаў назву Т1 і пабудаваны па праекце архітэктара Рыкарда Бафіля. Сёння міжнародны аэрапорт Барселоны мае 3 УПП даўжынёй ад 2540 м да 3352 м, дзве — асфальтавыя і адна бетонная.

Для авіякампаніі Vueling Airlines аэрапорт Барселоны з’яўляецца цэнтральным, для Spanair, Air Europa і Iberia Airlines — адным з найважнейшых вузлоў. Акрамя пасажырскіх рэйсаў аэрапорт прымае і адпраўляе таксама грузавыя.

У цяперашні момант у аэрапорце дзейнічаюць два тэрміналы Т1 і Т2, апошні быў пабудаваны нашмат раней і ўключае ў сябе тры сектары А, В і С. Паміж тэрміналамі курсіруе бясплатны аўтобус-шатл, а ад чыгуначнай станцыі паблізу тэрмінала Т2 арганізаваны шатл да новага тэрмінала Т1 .

Аэрапорт з Барселонай звязваюць хуткасная аўтамагістраль, чыгунка і аўтобус.