Баляслаў Казіміравіч Пірштук

У іншым моўным раздзеле ёсць паўнейшы артыкул Пирштук, Болеслав Казимирович(руск.) Вы можаце дапамагчы праекту, пашырыць цяперашні артыкул праз пераклад.

Баляслаў Казіміравіч Пірштук
Нараджэнне	30 студзеня 1959(1959-01-30) (66 гадоў) Пірштукі, Жарабковіцкі сельсавет, Ляхавіцкі раён, Брэсцкая вобласць, БССР, СССР
Адукацыя	БПІ (1981) Акадэмія кіравання пры Прэзідэнце Рэспублікі Беларусь (1993)
Узнагароды	ганаровая грамата Нацыянальнага сходу Рэспублікі Беларусь Ганаровая грамата Савета Міністраў Рэспублікі Беларусь

Баляслаў Казіміравіч Пірштук (нар. 30 студзеня 1959, в. Пірштукі Ляхавіцкага раёна Брэсцкай вобласці) — беларускі палітык.

У 1981 годзе скончыў Беларускі політэхнічны інстытут, у 1993 годзе — Акадэмію кіравання пры Савеце Міністраў Рэспублікі Беларусь па спецыяльнасці.

Працоўную дзейнасць пачаў у 1981 годзе інжынерам Светлагорскай цеплаэлектрацэнтралі. У перыяд з 1990 па 1997 год працаваў першым намеснікам старшыні Светлагорскага гарадскога выканаўчага камітэта. З 1997 года — старшыня Светлагорскага гарадскога выканаўчага камітэта. Пасля аб’яднання ў 2002 годзе горада і раёна ў адну адміністрацыйна-тэрытарыяльную адзінку — старшыня Светлагорскага раённага выканаўчага камітэта. З 2007 года — намеснік старшыні Гомельскага абласнога выканаўчага камітэта.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь 6-га склікання, быў намеснікам старшыні Палаты прадстаўнікоў.

У снежні 2019 года быў прызначаны першым намеснікам міністра прыродных рэсурсаў і аховы навакольнага асяроддзя Беларусі, дзе працаваў да 2022 года.

Узнагароджаны ганаровымі граматамі Нацыянальнага сходу Рэспублікі Беларусь і Савета Міністраў Рэспублікі Беларусь. Ганаровы грамадзянін горада Светлагорска^[1].