Барыс Іванавіч Стасевіч

Барыс Іванавіч Стасевіч
Барыс Іванавіч Стасевіч
	11 верасня 1928 — 8 верасня 1929
	жнівень 1924 — верасень 1928
Папярэднік	пасада заснаваная
Пераемнік	Павел Віленстовіч
Нараджэнне	2 снежня 1895; Брэст, Брэсцкі павет, Гродзенская губерня, Літоўскае генерал-губернатарства, Расійская імперыя;
Смерць	13 лютага 1938 (42 гады); Расстрэльны палігон «Камунарка», Ленінскі раён[d], Маскоўская вобласць, РСФСР, СССР;
Партыя	УКП(б) (1918)
Месца працы	НКУС БССР; Цэнтральны камітэт КПБ;
Бітвы	Першая сусветная вайна; Грамадзянская вайна ў Расіі;

Бары́с Іва́навіч Стасе́віч (2 снежня 1895, г. Брэст-Літоўск Гродзенскай губерні — 13 лютага 1938) — савецкі партыйны і дзяржаўны дзеяч, член Сакратарыята ЦК КП(б)Б.

Біяграфія

Вучыўся ў духоўнай семінары. З 1914 года у Расійскай арміі. З 1918 года ў Чырвонай Арміі. Удзельнік Грамадзянскай вайны. З 1920 года намеснік начальніка аддзела губхарчкама, намеснік Народнага камісара ўнутраных сіпаў БССР у Мінску. Са снежня 1922 года сакратар Мінскага павятовага камітэта КП(б)Б, загадчык аддзела Слуцкага акруговага камітэта КП(б)Б. З жніўня 1924 да верасня 1928 года быў адказным сакратаром Аршанскага акруговага камітэта КП(б) Беларусі.

11 верасня 1928 года на пленуме Кампартыі Беларусі быў абраны членам Сакратарыята ЦК КП(б)Б і адначасова на яго былі ўскладзены абавязкі загадчыка Агітацыйна-прапагандысцкім аддзелам ЦК КП(б)Б. Быў вызвалены ад сваіх абавязкаў пленумам 8 верасня 1929 года.

На дзень свайго арышту 21 ліпеня 1937 года працаваў загадчыкам Аддзела культуры прафсаюза рабочых чыгункі імя Ф. Э. Дзяржынскага. Быў абвінавачаны ў стварэнні шпіёнскай-дыверсійнай сеткі ў Беларусі з мэтай паслаблення абараназдольнасці БССР і расстраляны ў той жа дзень^[2].

Рэабілітаваны 26 верасня 1957 года^[2].

Член бюро ЦК КП(б)Б (1928—1929).

Зноскі

↑ https://gcbs-brest.by/2-1
↑ ^а ^б Стасевич Борис Иванович (руск.). Компьютерная база данных «Жертвы политических репрессий, расстрелянные и захороненные в Москве и Московской области в период с 1918 по 1953 год».

Літаратура

Карніловіч Э. А. Стасе́віч Барыс Іванавіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 168. — 10 000 экз. — ISBN 985-11-0035-8. — ISBN 985-11-0251-2 (т. 15).