Барыс Андрэевіч Кожыхаў

Барыс Андрэевіч Кожыхаў
Дата нараджэння	7 ліпеня 1932(1932-07-07) (92 гады)
Месца нараджэння	Свярдлоўск, Уральская вобласць[d], РСФСР, СССР
Альма-матар	Уральскі політэхнічны інстытут імя С. М. Кірава[d] (1956)
Месца працы	Уральскі філіял Іпрамашпрама[d] Саюзмашпраект[d] БелОМА Белдзіпрабіясінтэз[d] Аўтарампрампраект[d]
Член у	Саюз архітэктараў СССР Беларускі саюз архітэктараў
Узнагароды

Барыс Андрэевіч Кожыхаў (7 ліпеня 1932, Свярдлоўск) — беларускі архітэктар.

Скончыў Уральскі політэхнічны інстытут у 1956 годзе. З 1956 па 1970 г. працаваў архітэктарам, галоўным архітэктарам ва Уральскім філіяле Іпрамашпрама ў Златавусце. З 1970 года — галоўны архітэктар аддзела ў Саюзмашпраекце, аб’яднанні БелОМА, будаўнічага аддзела ў Белдзіпрабіясінтэзе, з 1976 года — галоўны архітэктар праектаў у Аўтарампрампраекце ў Мінску.

Член Саюза архітэктараў СССР з 1971 года. Пражывае ў Мінску.

Ім быў запраектаваны комплекс будынкаў НДІ ў Іжэўску (1965), шэраг вытворчых карпусоў (1970), заводакіраўніцтва машынабудаўнічага завода (1971), Дом Саветаў (1973) у Златавусце.

Асноўныя працы ў Беларусі (у аўтарскім калектыве): завод бялкова-вітамінавых канцэнтратаў у Наваполацку (1975), станцыя аўтатэхабслугоўвання з адміністрацыйна-бытавым блокам па вул. Купрыянава ў Мінску (1980), вытворчыя будынкі, станцыі аўтатэхабслугоўвання і іншыя прамысловыя аб’екты Мінаўтапрама СССР у розных гарадах краіны.

Узнагароджаны ордэнам «Знак Пашаны» (1969).

• Кожихов Борис Андреевич // Архитекторы Советской Белоруссии: Биогр. справочник / Союз архитекторов БССР; Сост. В. И. Аникин и др. — Мн.: Беларусь, 1991. — 262 с. — ISBN 5-338-00611-1. (руск.)