Барыс Васілевіч Барысёнак

Барыс Васілевіч Барысёнак
Барыс Васілевіч Барысёнак
Дата нараджэння	22 ліпеня 1934
Месца нараджэння	Беразіно, Бярэзінскі раён, БССР, СССР;
Дата смерці	2 кастрычніка 2024 (90 гадоў)
Месца смерці	Мінск, Беларусь;
Грамадзянства	СССР; Беларусь;
Адукацыя	Беларуская дзяржаўная акадэмія мастацтваў;
Тэатр	Беларускі дзяржаўны акадэмічны тэатр юнага гледача; Беларуская дзяржаўная акадэмія мастацтваў;
Узнагароды	; Крыштальная Паўлінка (2017)
IMDb	ID 0096870

Барыс Васілевіч Барысёнак (22 ліпеня 1934(1934-07-22), Беразіно — 2 кастрычніка 2024(2024-10-02), Мінск) — беларускі акцёр тэатра і кіно. Заслужаны артыст Беларускай ССР (1969).

Біяграфія

Нарадзіўся 22 ліпеня 1934 года ў мястэчку Беразіно.

З дзяцінства марыў стаць акцёрам. У 1956 годзе быў адным з усяго дзесяці студэнтаў, якія скончылі навучанне ў Беларускім дзяржаўным тэатральна-мастацкім інстытуце. У гэтым жа годзе прыняты ў трупу новастворанага мінскага Тэатра юнага гледача. Першай роляй Б. Барысёнка быў Шура Гараеў у спектаклі «Учора ў Касаткіна» паводле п’есы Зака і Кузняцова. Іграў шмат, стаў вядучым майстрам сцэны.

з 1975 па 1979 гадах выкладаў у Беларускім дзяржаўным тэатральна-мастацкім інстытуце.

У 1981 годзе перанёс інфаркт, а праз год — другі. Атрымаў трэцюю групу інваліднасці, але хутка аднавіў сваю фізічную форму.

Памёр 2 кастрычніка 2024 года^[1].

Творчасць

У Тэатры юнага гледача працаваў больш за 65 гадоў. За гады службы сыграў каля 120 разнапланавых роляў, ад гераічных і вострахарактарных да камедыйных. Вялікі стаж працы дазволіў увасобіць на сцэне як выявы маладых і дзейных сучаснікаў, так і ўзроставых персанажаў. Многія спектаклі з удзелам Барысёнкі сталі залатым фондам беларускай культуры. Здымаўся ў кіно і серыялах, браў удзел у тэле- і радыёпастаноўках.