Беларускі прафсаюз работнікаў аграпрамысловага комплексу

Беларускі прафсаюз работнікаў аграпрамысловага комплексу
Беларускі прафсаюз работнікаў АПК
Адміністрацыйны цэнтр	Мінск
Адрас	Мінск, праспект Пераможцаў, 21
Тып арганізацыі	прафесійны саюз
Заснаванне
Дата заснавання	1990
apk.1prof.by

Беларускі прафсаюз работнікаў аграпрамысловага комплексу — беларускі прафесійны саюз, член Федэрацыі прафсаюзаў Беларусі, аб’ядноўвае работнікаў сельскай гаспадаркі.

Прафсаюзны рух сялянства ў Беларусі пачаўся ў 1919 годзе ў Літоўска-Беларускай ССР з Вытворчага саюза сельскагаспадарчых рабочых Літбела, устаноўчы з’езд якога прайшоў у Вільні. У далейшым аграрны прафсаюз увайшоў у склад Беларускага рэспубліканскага савета прафесійных саюзаў.

У сакавіку 1986 года аб’яднаны пленум галіновых прафсаюзаў сістэмы аграпрамысловага комплексу БССР прыняў рашэнне стварыць прафсаюз работнікаў аграпрамысловага комплексу. У яго склад увайшлі работнікі сельскай гаспадаркі і садавінагароднінай гаспадаркі, мясной, малочнай, харчовай прамысловасці, хлебапрадуктаў, меліярацыі і воднай гаспадаркі, сельскія будаўнікі, работнікі іншых арганізацый, звязаных з абслугоўваннем сельскай гаспадаркі і перапрацоўкі яе прадукцыі.

У маі 1990 года Беларускі прафсаюз работнікаў аграпрамысловага комплексу выйшаў з савецкай сістэмы прафсаюзаў, а пасля ўвайшоў у склад Федэрацыі прафсаюзаў Беларусі, у якую ўваходзіць да гэтага часу^[1].