Бенедэта Марчэла

Бенедэта Марчэла
італ.: Benedetto Marcello
Асноўная інфармацыя
Дата нараджэння	9 жніўня 1686(1686-08-09)[1] ці 24 ліпеня 1686(1686-07-24)[2]
Месца нараджэння	Венецыя, Венецыянская рэспубліка[1]
Дата смерці	24 ліпеня 1739(1739-07-24)[3][4][…]
Месца смерці	Брэшыя, правінцыя Брэшыя, Ламбардыя[1]
Месца пахавання	San Giuseppe church[d]
Краіна	Венецыянская рэспубліка
Жонка	Разанна Скальфі Марчэла[d]
Музычная дзейнасць
Педагог	Francesco Gasparini[d] і Antonio Lotti[d]
Прафесіі	кампазітар, паэт, пісьменнік, настаўнік
Выхаванцы	Бальдасарэ Галупі
Грамадская дзейнасць
Член у	Аркадзіеўская акадэмія
Медыяфайлы на Вікісховішчы

Бенедэта Марчэла (італ.: Benedetto Marcello; 24 ліпеня 1686, Венецыя — 24 ліпеня 1739, Брэшыя) — італьянскі кампазітар, музычны пісьменнік, юрыст і дзяржаўны дзеяч, паэт. Брат кампазітара Алесандра Марчэла.

Нарадзіўся ў шляхетнай венецыянскай сям’і. На працягу многіх гадоў займаў важныя дзяржаўныя пасады (член Савета сарака — вышэйшага судовага органа Венецыянскай рэспублікі, ваенны інтэндант у горадзе Пола, папскі камергер). Музычную адукацыю атрымаў пад кіраўніцтвам Франчэска Гаспарыні і Антоніа Лоці.

У 1728 годзе пабраўся царкоўным шлюбам са сваёй вучаніцай Разанай Скальфі. Згодна з устойлівай легендай, аднойчы, каля 1723 года, ён пачуў яе спевы з акна свайго палаца, які выходзіў на Гранд-канал. І быў настолькі зачараваны голасам дзяўчыны, якая праплывала ў лодцы, што вырашыў узяць яе ў вучаніцы.

Памёр ад сухот у 1739 годзе.

Яго імя носіць Венецыянская кансерваторыя.