Браткі

Браткі
Браткі. Агульны выгляд квітнеючай расліны
Навуковая класіфікацыя
Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Вербакветныя Сямейства:  Фіялкавыя Род:  Фіялка Від:  Браткі
Міжнародная навуковая назва
Viola tricolor L., (1753)
Падвіды
Гл. тэкст
Сістэматыка на Віківідах Выявы на Вікісховішчы ITIS   22175 NCBI   214053 EOL   584541 GRIN   t:41789 IPNI   869428-1 TPL   kew-2461201

Бра́ткі^[1] (Viola tricolor) — адна- і двухгадовая травяністая расліна сямейства фіялкавых.

Народныя назвы: фіялка трохколерная, братачкі, брат з сястрою, браткі^[2][3], трава трыцветная^[4], анюціны глазкі, , фіялка, браткі лясныя, іван-ды-мар’я, трайцвет^[5], брат з сястрой, брат і сястра, браткі-махвіцы, залатуха, крупенька, махвіцы^[6][7][8], званочкі^[4].

Батанічная ілюстрацыя з кнігі «Köhler’s Medizinal-Pflanzen», 1887

Вышыня 10—12 см, з некалькімі сцябламі. Прыкаранёвае лісце круглавата-сэрцападобныя, сцябловае — ланцэтападобнае. Кветкі двухсіметрычныя, стракатыя, са шпоркай: верхнія пялёсткі фіялетавыя, ліловыя або сінія, бакавыя белавата-жоўтыя, ніжні пялёстак — серна-жоўты або фіялетавы. Плод — каробачка.

Пашыраны ва ўмераным поясе Паўночнага паўшар’я. Растуць на сухіх лугах, лясных палянах, каля дарог, у хмызняку, на палях як пустазелле. Цвітуць у красавіку — кастрычніку.

Лекавыя расліны. Родапачынальнікі садовых форм і сартоў.

• Браткі // Беларуская ССР: Кароткая энцыклапедыя. Т. 2. — Мн.: БелСЭ, 1979.

• Viola tricolor L. — Фиалка трехцветная, анютины глазки // Агроэкологический атлас России и сопредельных стран: экономически значимые растения, их болезни, вредители и сорные растения (руск.)