Бэз 'Вера Харужая'

*Бэз* 'Вера Харужая'
Бэз 'Вера Харужая'
	; Бэз 'Вера Харужая' у Цэнтральным батанічным садзе НАН РБ
Сістэматыка
Род	Бэз (Syringa)
Сорт	Бэз 'Вера Харужая'
	Сінонімы
	Syringa 'Vera Khoruzhaya, Syringa vulgaris 'Vera Khoruzhaya
Паходжанне
	Формула
	Syringa 'Reomur' x Syringa vulgaris 'Mme Abel Chatenay'
Краіна паходжання	БССР
Арыгінатар	М. У. Смольскі і В. Ф. Бібікава
Рэзкасць
Узнагароды
	Медыяфайлы на Вікісховішчы

Бэз 'Вера Харужая' (Syringa 'Vera Khoruzhaya') — сорт роду Бэз (Syringa).

Выкарыстоўваецца як дэкаратыўны лістападны куст з пышнымі кветкамі.

Гісторыя

Гэты сорт з’яўляецца вынікам працы арыгінатараў з Беларусі М. У. Смольскага і В. Ф. Бібікавай^[1]. Атрыманы ў выніку скрыжавання сартоў Рэамюр і Абель Шатанэ у 1964 годзе і названы ў гонар Веры Харужай, падпольшчыцы часоў Вялікай Айчыннай Вайне, якая загінула ў 1942 годзе^[1].

Аўтэнтычная расліна захоўваецца ў сірынгарыі Цэнтральнага батанічнага саду Беларусі пры Нацыянальнай Акадэміі Навук^[1].

Батанічнае апісанне


Суквецці

Кусты гэтага сорта сярэднерослыя, разгалістыя. Лісце сэрцападобнае, сярэднезялёнае.

Бэз 'Вера Харужая' ставіцца да V-й каляровай групы — ружаватыя бэзы. Падоўжаныя бутончыкі маюць яркую бэзавую афарбоўку. Пры распусканні кветка становіцца бэзава-ружовай, а па цэнтральнай жылцы кожнага пялёстка расцякаюцца блакітныя цені. Самі пялёсткі бліскучыя, падоўжаныя, адгінаюцца вонкі, нагадваючы кветкі гіяцынту. Дыяметр кветак можа дасягаць 30 міліметраў^[1].

Кветкі сабраны ў суквецці-мяцёлкі ў форме пышных пірамід шырынёй да 19 сантыметраў, яны маюць доўгія адгалінаванні, месцамі перарываюцца, з-за чаго глядзяцца асабліва ажурна. Вышыня суквеццяў да 35 сантыметраў^[1].

Распускаецца штогод у сярэдзіне сезону цвіцення бэзу і багата цвіце да 20 дзён^[1].

Водар сорта 'Вера Харужая' вельмі далікатны і прыемны^[1].

Выкарыстанне


Паштовая марка Беларусі

Добры для салітэрных пасадак, таксама рэкамендуецца ў групе^[1].

Зноскі

↑ ^а ^б ^в ^г ^д ^е ^ё ^ж Вера Хоружая (Vera Khoruzhaya) (руск.)

Літаратура

Н. В. Смольский, В. Ф. Бибикова. Сорта сирени селекции ЦБС АН БССР // Интродукция растений и охрана природы. — Минск: Наука и техника. — 1969 — С.93-106.