Мікалай Уладзіслававіч Смольскі

Мікалай Уладзіслававіч Смольскі
Дата нараджэння	24 верасня (7 кастрычніка) 1905
Месца нараджэння	Нароўля, Рэчыцкі павет, Мінская губерня, Расійская імперыя
Дата смерці	29 красавіка 1976(1976-04-29) (70 гадоў)
Месца смерці	Мінск, БССР, СССР
Месца пахавання	Усходнія могілкі
Грамадзянства	Расійская імперыя  СССР
Род дзейнасці	батанік
Навуковая сфера	батаніка
Месца працы	Усесаюзны інстытут раслінаводства УАСГНІЛ[d][1] Усесаюзная селекцыйная станцыя вільготна-субтрапічных культур[d] Цэнтральны батанічны сад Нацыянальнай акадэміі навук Беларусі[1]
Навуковая ступень	доктар біялагічных навук
Навуковае званне	прафесар
Альма-матар	Горы-Горацкі земляробчы інстытут (1924) Омскі дзяржаўны аграрны ўніверсітэт імя П. А. Сталыпіна[d] (1927)
Член у	Акадэмія навук Рэспублікі Таджыкістан[d][1] Нацыянальная акадэмія навук Беларусі[1]
Прэміі
Узнагароды

Мікала́й Уладзісла́вавіч Смо́льскі (7 кастрычніка 1905, Нароўля — 29 красавіка 1976) — вучоны ў галіне батанікі. Акадэмік Акадэміі навук БССР (1967), доктар біялагічных навук (1967), прафесар (1969). Акадэмік АН Таджыкскай ССР (1951). Заслужаны дзеяч навукі БССР (1972). Удзельнік Вялікай Айчыннай вайны.

М. У. Смольскі нарадзіўся ў горадзе Нароўля. У 1924 годзе скончыў Горы-Горацкі сельскагаспадарчы інстытут, у 1927 годзе Сібірскую сельскагаспадарчую акадэмію ў Омску. У 1931—1941 гг. ва Усесаюзным інстытуце раслінаводства і Усесаюзнай селекцыйнай станцыі вільготна-субтрапічных культур у Сухумі. З 1945 года дырэктар Усесаюзнага НДІ сухіх субтропікаў у Душанбэ (Таджыкістан). У 1951—1952 гг. віцэ-прэзідэнт і акадэмік-сакратар Аддзялення натуральных навук Акадэміі навук Таджыкскай ССР. З 1955 па 1976 г. дырэктар Цэнтральнага батанічнага сада АН БССР.

Памёр 29 красавіка 1976 года. Пахаваны ў Мінску на Усходніх могілках.^[2]

М. У. Смольскаму належаць працы па вывучэнню фісташкавых саваннаў, шаўкоўніцы і пладовых культур Сярэдняй Азіі, селекцыі і інтрадукцыі субтрапічных культур ў зонах субтропікаў СССР.^[2]

Вывучаў перспектыўныя для Беларусі кармавыя, тэхнічныя, лекавыя і арнаментальныя расліны, шляхі і метады рацыянальнага выкарыстання прыродных багаццяў, праблемы арганізацыі ў рэспубліцы сеткі дзяржаўных запаведнікаў, заказнікаў і помнікаў прыроды.^[2]

Аўтар тэарэтычных асноў, зялёнага будаўніцтва, акліматызацыі і інтрадукцыі карысных раслін, аховы прыроды і інш. Аўтар больш за 100 навуковых прац, у т.л. 8 манаграфій.

Сярод апублікаванага:

• Растения субтропической и тропической флоры // Ботанический сад Академии наук БССР: путеводитель. — Минск: издательство Академии наук БССР. — С. 106—148. — 1956.
• Деревья и кустарники, розы и сирень. — Мн., 1968. (у саўтарстве)
• Многолетние цветочные растения. — Мн., 1972. (у саўтарстве)

• 2 ордэны Працоўнага Чырвонага Сцяга
• 2 ордэны «Знак Пашаны»
• Ордэн Кастрычніцкай Рэвалюцыі
• Дзяржаўная прэмія БССР (1978)
• медалі

У 1977 г. на доме па адрасе вул. Захарава № 25, у якім ён жыў, устаноўлена мемарыяльная дошка (скульпт. Н. Трахтэнберг)^[2].

• Смольскі Мікалай Уладзіслававіч // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 61. — 10 000 экз. — ISBN 985-11-0035-8. — ISBN 985-11-0251-2 (т. 15).
• Смольскі Мікалай Уладзіслававіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 677. — 800 с. — 5 000 экз. — ISBN 985-11-0026-9.

• Академик СМОЛЬСКИЙ Николай Владиславович // Центральный ботанический сад НАН Беларуси (руск.)
• Неоконченная экспедиция… Центральный ботанический сад НАН Беларуси мог бы называться именем белорусского учёного-ботаника Николая Смольского(недаступная спасылка) (руск.)
• Мікалай Уладзіслававіч Смольскі ў базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)