Вадарэзы

Вадарэзы
Rynchops niger
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Надклас:  Чацвераногія Клас:  Птушкі Падклас:  Нованёбныя Атрад:  Сеўцападобныя Падатрад:  Чайкі Сямейства:  Чайкавыя Род:  Rynchops
Міжнародная навуковая назва
Rynchops Bonaparte, 1838
Сістэматыка на Віківідах Выявы на Вікісховішчы ITIS   176961 NCBI   227183 EOL   2822115 FW   276248

Вадарэзы (Rhynchops) — род птушак атрада сеўцападобныя. Адзін род сямейства Rhynchopidae, уключае тры віды.

Даўжыня цела да 45 см. Афарбоўка чорная з белым. Крылы вельмі доўгія і вострыя, хвост з прагінам. Дзюба вялікая, сціснутая з бакоў, ніжняя сківіца даўжэйшая за верхнюю. Кормяцца дробнай рыбай і воднымі насякомымі, лётаючы ў прыцемках ці ўначы нізка над вадой і пагрузіўшы канец паддзюб’я ў ваду. Жывуць на марскіх узбярэжжах, у вусцях буйных рэк субтрапічных і трапічных зон Афрыкі, Азіі і Амерыкі. Гняздуюць невялікімі групамі на пясчаных водмелях і астравах пасля наступлення сухога сезону і спаду вады ў рэках. Яйкі (2-4) адкладаюць у рытвінку ў пяску. Птушаняты адразу пасля з’яўлення на свет могуць бегаць і плаваць, але іх яшчэ доўга кормяць бацькі.

• Беларуская энцыклапедыя: У 18 т. Т. 3: Беларусы — Варанец / Рэдкал.: Г. П. Пашкоў і інш. — Мн. : БелЭн, 1996. — Т. 3. — 511 с. — 10 000 экз. — ISBN 985-11-0035-8. — ISBN 985-11-0068-4 (т. 3).