Валадар пярсцёнкаў: Пярсцёнкі ўлады

Валадар пярсцёнкаў: Пярсцёнкі ўлады
англ.: The Lord of the Rings: The Rings of Power
Жанр	фэнтэзійны тэлесерыял[d][2], экшан-тэлесерыял[d][2], прыгодніцкі тэлесерыял[d][2], драматычны тэлесерыял[d][2] і тэлесерыял — экранізацыя рамана[d][3]
Заснавана на	Валадар Пярсцёнкаў
Сцэнарыст	Джейсан Кэхіл[d] Дженіфер Хатчысан[d]
Рэжысёр	Хуан Антоніё Баёна[d] Уэйн Йіп[d] Шарлота Брэндстром[d]
У ролях	Morfydd Clark[d][4] Lenny Henry[d][4] Thusitha Jayasundera[d][4] Dylan Smith[d][4] Markella Kavenagh[d][4] Роберт Арамая[d][4] Ismaël Cruz Córdova[d] Daniel Weyman[d] Nazanin Boniadi[d] Charles Edwards[d] Geoff Morrell[d] Peter Tait[d] Tyroe Muhafidin[d] Maxine Cunliffe[d] Amelie Child Villiers[d] Megan Richards[d] Owain Arthur[d] Augustus Prew[d] Simon Merrells[d] Cynthia Addai-Robinson[d] Ema Horvath[d] Трыстан Гравель[d] Lloyd Owen[d] Charlie Vickers[d] Maxim Baldry[d] Sara Zwangobani[d] Joseph Mawle[d] Anthony Crum[d] Alex Tarrant[d]
Кампазітар	Беар Маккрыры[d]
Краіна	ЗША
Мова	англійская
Колькасць сезонаў	2
Колькасць серый	16
Вытворчасць
Выканаўчы прадзюсар	Дженіфер Хатчысан[d], Джейсан Кэхіл[d] і J. D. Payne and Patrick McKay[d]
Аператар	Аарон Мортан[d] Оскар Фаўра
Месца здымак	Новая Зеландыя[5][6]
Працягласць серыі	70 ± 1 хв.
Студыя	Amazon MGM Studios[d], Tolkien Estate[d], The Tolkien Trust[d], HarperCollins[d] і New Line Cinema
Трансляцыя
Тэлеканал	Prime Video[d]
На экранах	2 верасня 2022[1]
Фармат відэа	2.39:1[d]
Спасылкі
IMDb	ID 7631058
Медыяфайлы на Вікісховішчы

«Валадар пярсцёнкаў: Пярсцёнкі ўлады» (англ.: The Lord of the Rings: The Rings of Power) — амерыканскі фэнтэзійны тэлесерыял Amazon Prime Video, заснаваны на творах Джона Толкіна, прэм’ера якога адбылася 1 верасня 2022. Серыял быў працягнуты на другі і трэці сезоны^[7].

Падзеі ў серыяле, які здымаўся ў Новай Зеландыі і Вялікабрытаніі, адбываюцца за тысячы гадоў да падзей, апісаных у «Хобіце» і «Валадары пярсцёнкаў».

Сюжэт развіваецца ў Другім узросце Серадзем’я, калі зноў нечакана ўзнікае пагроза ў асобе Саўрана. Галоўныя героі — эльфы, людзі, гномы і махнаногі — спрабуюць супрацьстаяць гэтай пагрозе.

У першым сезоне Галадрыель падазрае, што Саўран вярнуўся, і разам з таямнічым Халбрандам шукае спосабы спыніць яго. У фінале выяўляецца, што Халбранд і ёсць Саўран, які пачаў уплываць на стварэнне магічных пярсцёнкаў^[8].

Другі сезон паглыбляе гісторыю, паказваючы наступствы стварэння пярсцёнкаў і рост улады Саўрана^[9][10].

• Морфід Кларк (англ.: Morfydd Clark) — Галадрыель
• Чарлі Вікерс (англ.: Charlie Vickers) — Саўран / Халбранд
• Джэк Лаўдэн (англ.: Jack Lowden) — Саўран у папярэдняй форме
• Роберт Арамаё (англ.: Robert Aramayo) — Элранд
• Ісмаэль Крус Кардава (англ.: Ismael Cruz Córdova) — Арандзір
• Маркела Кавена (англ.: Markella Kavenagh) — Норы Брэндзіфут
• Дэніэл Вэйман (англ.: Daniel Weyman) — Незнаёмы / Гандальф
• Сінцыя Адай-Робінсан (англ.: Cynthia Addai-Robinson) — каралева-рэгент Мір’ель
• Лойд Оўэн (англ.: Lloyd Owen) — Элендыл
• Оўэйн Артур (англ.: Owain Arthur) — прынц Дурын IV
• Сафія Номветэ (англ.: Sophia Nomvete) — прынцэса Дыса, жонка Дурына IV
• Бенджамін Уокер (англ.: Benjamin Walker) — Гіль-Галад
• Чарльз Эдвардс (англ.: Charles Edwards) — Келебрымбар
• Максім Болдры (англ.: Maxim Baldry) — Ісільдур
• Трыстан Гравель (англ.: Trystan Gravelle) — Фаразон^[11]

Першы і другі сезоны серыяла атрымалі змешаныя водгукі. У першым сезоне крытыкі адзначалі выдатныя візуальныя эфекты і маштаб, але звярталі ўвагу на павольны тэмп і недастатковую глыбіню персанажаў. Для другога сезона адзначалася паляпшэнне тэмпу і развіцця персанажаў.

Для першага сезона на агрэгатары водгукаў «Rotten Tomatoes» колькасць станоўчых рэцэнзій склала 84 %^[12]. Іншы агрэгатар аглядаў «Metacritic» ацаніў сезон у 71/100^[13]. Высока шоу ацанілі такія выданні, як «Collider»^[14], «Empire»^[15], «The Independent»^[16], «The New Yorker»^[17], «The New York Times»^[18], «Vanity Fair»^[19], «Variety»^[20] і іншыя. Такія выданні, як «CNN»^[21], «The Daily Telegraph»^[22], «Los Angeles Times»^[23], «Rolling Stone»^[24], «The Washington Post»^[25] спыніліся на змешанай ацэнцы сезона. На фоне пераважна хвалебных і сярэдніх водгукаў сустракаліся, аднак, і рэзка негатыўныя. Адмоўна сезон ацанілі ў «Daily Mail»^[26], «The Daily Wire»^[27], «Entertainment Weekly»^[28], «Forbes»^[29], «The Guardian»^[30].

Кевін Пэры з «The Independent» адзначыў, што серыял «капаецца ў дадатках да „Валадара пярсцёнкаў“ Дж. Р. Р. Толкіна і знаходзіць золата»^[16]. Алан Сепінвол з «Rolling Stone» заявіў, што «самы дарагі серыял на тэлебачанні мог бы зрабіць значна больш за свае грошы»^[24]. Дарэн Фрэніч з «Entertainment Weekly» назваў серыял «катастрофай зруйнаванага патэнцыялу, якая прыносіць бязмежныя магчымасці цудоўнага сусвету на алтар праверанага блокбастарнага адчаю»^[28].

Рэакцыя гледачоў была пераважна негатыўная. З-за празмернай колькасці адмоўных водгукаў на сайце стрымінга «Prime Video», сэрвіс на наступны дзень пасля прэм’еры схаваў рэйтынг на 72 гадзіны, каб пераканацца, што кожны водгук быў «апраўданым» і не паходзіць ад інтэрнэт-троляў^[31]. У той жа час глядацкі рэйтынг на «Rotten Tomatoes» і «Metacritic» склаў адпаведна 38 % і 3.0/10^[12][13].

Другі сезон захаваў параўнальна высокія ацэнкі крытыкаў. «Rotten Tomatoes» сабраў тыя ж 84 % станоўчых водгукаў^[32], а «Metacritic» ацаніў сезон у 67/100^[33]. Глядацкія ацэнкі аказаліся крыху вышэйшымі ў параўнанні з папярэднім сезонам — 59 % на «Rotten Tomatoes» і 4.1/10 на «Metacritic» — але колькасць адзнак рэзка ўпала^[32][33].

• 6 намінацый на прэмію «Эмі» ў тэхнічных катэгорыях^[34].
• Намінацыя на прэмію «Сатурн» як найлепшы фэнтэзійны тэлесерыял^[35].
• Выйграў BAFTA за найлепшыя спецыяльныя, візуальныя і графічныя эфекты^[36].