Валерый Іванавіч Карбалевіч

Валер Карбале́віч, поўнае імя Валерый Іванавіч Карбалевіч (нар. 28 студзеня 1955(1955-01-28), Паназырава, Кастрамская вобласць) — беларускі палітолаг, кандыдат гістарычных навук, дацэнт.

Нарадзіўся 28 студзеня 1955 года ў в. Паназырава Кастрамской вобласці РСФСР.

У 1972—1973 гадах працаваў слесарам-сантэхнікам Рамбудупраўлення № 4 Слуцка. У 1978 годзе скончыў гістарычны факультэт БДУ. З 1978—1983 годзе працаваў выкладчыкам у Горацкай сельскагаспадарчай акадэміі. У 1986 годзе абараніў кандыдацкую дысертацыю на тэму «Дзейнасць кампартыі Беларусі па прапагандзе і ўкараненні дасягненняў навукі і перадавога вопыту ў сельска-гаспадарчую вытворчасць (1971—1980 гады)». Выкладаў у Беларускім аграрным тэхнічным універсітэце. Працаваў у Нацыянальным цэнтры стратэгічных ініцыятыў «Усход-Захад» (пазней — Аналітычны цэнтр «Стратэгія»), у газеце «Свободные новости. СНплюс». Палітычны аглядальнік «Радыё Свабода». Працаваў галоўным рэдактарам грамадска-палітычнага аналітычнага часопіса «Грамадзянская альтэрнатыва».

Аўтар больш за 900 публікацый па розных праблемах унутранай і замежнай палітыкі Беларусі, сярод якіх кніга «Александр Лукашенко. Политический портрет».

• Александр Лукашенко. Политический портрет / Валерий Карбалевич. — М.: Партизан, 2010. — 718, [1] с. — ISBN 978-5-91114-007-6.
• Конец «Веймарской» Беларуси // Открытая политика. — 1997. — № 1-2;
• Путь Лукашенко к власти // Белоруссия и Россия: общества и государства. — М., 1998;
• Декоративный кастинг / В. Карбалевич // Снплюс. Свободные новости плюс. — 2010. — № . — 1 — 8 декабря. — С.
• Белорусская номенклатура в период трансформации: эволюция социального статуса и политической роли // Belarus Monitor. НЦСИ «Восток — Запад». — Мн., 1998;
• Гражданский контроль над военной сферой в Белоруссии: проблемы и тенденции // Парламентский контроль над военной сферой в новых независимых государствах. — М., 1998;
• Прыватызаваная дзяржава // Грамадзянская альтэрнатыва. — 1999. — № 2.

• Хто ёсць хто ў Беларусі = Кто есть кто в Беларуси = Who’s who in Belarus / Уклад.: Л. А. Андросік і інш.; прадм. В. Трыгубовіч]. — Вільня: [б. в.], 2007. — 254, [1] с. — С. 94 — 95.