Валерый Георгіевіч Калеснік

Вале́рый Гео́ргіевіч Кале́снік (нар. 17 ліпеня 1965, Гродна) — беларускі дыпламат.

Скончыў Благавешчанскае вышэйшае ваеннае танкавае каманднае вучылішча (1986), Ваенна-дыпламатычную акадэмію ў Маскве (1994).

З 1995 года працаваў у Міністэрстве замежных спраў Рэспублікі Беларусь. У 1999—2000 гадах быў намеснікам начальніка ўпраўлення міжнароднай бяспекі і кантролі над раззбраеннем у Міністэрстве замежных спраў Рэспублікі Беларусь. У 2000—2004 гадах быў саветнікам Амбасады Рэспублікі Беларусь у Каралеўстве Бельгія, Пастаяннага прадстаўніцтва Рэспублікі Беларусь пры Камісіі Еўрапейскіх супольнасцей і Пастаяннага прадстаўніцтва Рэспублікі Беларусь пры Арганізацыі Паўночнаатлантычнага дагавора. У 2004—2006 гадах быў саветнікам упраўлення міжнароднай бяспекі і кантролі над раззбраеннем у Міністэрстве замежных спраў Рэспублікі Беларусь.

З 10 лютага 1998 года да 30 снежня 2003 года быў адначасова Прадстаўніком Ураду Рэспублікі Беларусь ва ўпраўленні Камітэту па супрацоўніцтве ў галіне нераспаўсюджання ядзернай зброі^[1][2].

14 жніўня 2008 года быў прызначаны Надзвычайным і Паўнамоцным Паслом Рэспублікі Беларусь у Турэцкай Рэспубліцы^[3]. 28 верасня 2012 года быў прызначаны паслом у Іраку па сумяшчальніцтву^[4]. Вызвалены ад гэтых пасад 3 снежня 2013 года^[5].

14 верасня 2017 года быў прызначаны Надзвычайным і Паўнамоцным Паслом Рэспублікі Беларусь у Рэспубліцы Інданезіі, Малайзіі, Рэспубліцы Сінгапур і Рэспубліцы Філіпіны па сумяшчальніцтву^[6]. 22 мая 2018 года быў таксама прызначаны Пастаянным прадстаўніком Беларусі пры Асацыяцыі дзяржаў Паўднёва-Ўсходняй Азіі^[7]. Вызвалены ад гэтых пасад 22 лістапада 2023 года^[8].

• Посольство Республики Беларусь в Турецкой Республике — Посол Беларуси (па стане на 11 ліпеня 2009 года) Архівавана 13 красавіка 2010. (руск.)