Валянцін Кузьміч Гусакоў

Валянцін Кузьміч Гусакоў (нар. 3 лютага 1933, в. Ужляціна, Шумілінскі раён, Віцебская вобласць — 2010) — беларускі вучоны ў галіне ветэрынарыі. Доктар біялагічных навук (1975), прафесар (1977). Член-карэспандэнт Расійскай Акадэміі аграрнай адукацыі (1998)^[1].

Нарадзіўся 3 лютага 1933 года ў в. Ужляціна Шумілінскага раёна^[1].

Скончыў у 1959 годзе заатэхнічны факультэт Віцебскага ветэрынарнага інстытута. З 1961 года ў Віцебскай акадэміі ветэрынарнай медыцыны, у 1980–2000 гг. – загадчык кафедры нармальнай і паталагічнай фізіялогіі^[1].

Памёр у 2010 годзе^[1].

Навуковыя працы па вывучэнні сакраторна-ферментатыўнай дзейнасці стрававальнага тракту ў розных відаў сельскагаспадарчых жывёл. Заснавальнік і кіраўнік навуковай школы «Фізіялогія стрававання сельскагаспадарчых жывёл і птушак»^[1].

Адзін з аўтараў вучэбнага дапаможніка для сярэдніх сельскагаспадарчых навучальных устаноў «Практыкум па анатоміі і фізіялогіі сельскагаспадарчых жывёл» (1979), даведнікаў^[1].

• Гусакоў Валянцін Кузьміч // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — 576 с. — 10 000 экз. — ISBN 985-11-0035-8. — ISBN 985-11-0090-0 (т. 5).

• Валянцін Кузьміч Гусакоў на сайце анлайн-энцыклапедыі «Беларусь у асобах і падзеях»