Валянцін Міхайлавіч Арцем’еў

Валянцін Міхайлавіч Арцем’еў
Валянцін Міхайлавіч Арцем’еў
Дата нараджэння	15 мая 1934 (91 год)
Месца нараджэння	Масква, РСФСР, СССР;
Грамадзянства	Беларусь;
Род дзейнасці	навуковец
Месца працы	Інстытут прыкладной фізікі НАН Беларусі;
Навуковая ступень	доктар тэхнічных навук (1974) і член-карэспандэнт НАН Беларусі (1989)
Альма-матар	Мінскае вышэйшае інжынернае радыётэхнічнае вучылішча проціпаветранай абароны (1956); Мінскае вышэйшае інжынернае зенітна-ракетнае вучылішча;
Узнагароды	;

Валянцін Міхайлавіч Арцем’еў (нар. 15 мая 1934, г. Масква, Расія) — беларускі вучоны ў галіне тэхнічных навук. Член-карэспандэнт Нацыянальнай акадэміі навук Беларусі (1989), доктар тэхнічных навук (1974), прафесар (1976). Заслужаны дзеяч навукі і тэхнікі БССР(1977).

Біяграфія

Скончыў Мінскае вышэйшае інжынернае радыётэхнічнае вучылішча (1956). З 1956 года выкладчык, старшы навуковы супрацоўнік, намеснік начальніка кафедры, з 1973 года начальнік кафедры гэтага вучылішча. У 1987—1993 гадах в.а. дырэктара, дырэктар Інстытута прыкладной фізікі АН Беларусі, з 1993 года загадчык лабараторыі, з 2003 года галоўны навуковы супрацоўнік гэтага інстытута.

Узнагароды

Узнагароджаны ордэнам «За службу Радзіме ва Узброеных сілах СССР» III ступені (1978), медалямі.

Навуковая дзейнасць

Навуковыя працы ў галіне статыстычнай дынамікі сістэм аўтаматычнага кіравання. Распрацаваў тэорыю дынамічных сістэм з выпадковымі зменамі структуры і ўжыў яе да абгрунтавання прынцыпаў пабудовы, аналізу і праектавання сістэм кіравання лятальнымі апаратамі і адаптыўнымі робатамі ва ўмовах змены характарыстык навакольнага асяроддзя.

Аўтар каля 100 навуковых прац, у тым ліку 8 манаграфій, 1 падручніка, 13 вынаходак^[1]^[2].

Бібліяграфія

Теория динамических систем со случайными изменениями структуры. Мн.: Вышэйшая школа, 1979.
Оптимизация динамических систем со случайной структурой. М.: Наука, 1980 (совм. с И. Е. Казаковым).
Локационные системы роботов. Мн.: Вышэйшая школа, 1988.
Анализ систем случайной структуры. М.: Наука, 1993 (совм. с И. Е. Казаковым, В. А. Бухалевым).
Реконструкция динамических изображений в томографии процессов. Мн.: Изд. центр БГУ, 2004 (совм. с А. О. Наумовым, Г.-Р. Йенишем).
Обработка изображений в пассивных обзорно-поисковых оптико-электронных системах / Ин-т приклад. физики НАН Беларуси. Минск: Беларус. навука, 2014. (совм. с А. О. Наумовым, Л. Л. Коханом).