Васкрасенская царква (Альманы)

Праваслаўны храм
Васкрасенская царква
Царква ў гонар Уваскрасення Гасподняга
51°48′22″ пн. ш. 27°04′01″ у. д.HGЯO
Краіна	Беларусь
Вёска	Альманы
Канфесія	Беларуская праваслаўная царква
Епархія	Пінская і Лунінецкая
Архітэктурны стыль	рэтраспектыўна-рускі стыль
Будаўніцтва	1888—1893 гады
Глобус Беларусі	globustut.by/olmany/inde…
Медыяфайлы на Вікісховішчы

Васкрасенская царква — праваслаўны храм у в. Альманы (Столінскі раён). Размешчана ў цэнтры вёскі. Твор архітэктуры рэтраспектыўна-рускага стылю.

Пабудавана ў 1888—1893 гг. з дрэва на месцы храма першай паловы 19 ст.^[1]

Царква вырашана кананічнай чатырохчасткавай падоўжана-восевай кампазіцыяй: прытвор-званіца (два васьмерыкі на чацверыку), прамавугольны бабінец, кубападобная малітоўная зала, прамавугольная апсіда. Сілуэт храма фарміруюць макаўка над шатром званіцы, цыбулепадобная галоўка на двух'ярусным васьмігранным барабане над шатровым з заломам дахам малітоўнай залы, вальмавае пакрыццё апсіды. Гарызантальна ашаляваныя фасады апяразаны шырынкавымі фрызамі і вуглавымі лапаткамі, расчлянёны прамавугольнымі аконнымі праёмамі ў разных ліштвах і брусамі-сцяжкамі ў прасценках. Тры ўваходы вылучаны двухслуповымі ганкамі пад двухсхільнымі пакрыццямі.

Унутры малітоўная зала перакрыта корабавым драўляным скляпеннем, апсіда вылучана трох'ярусным іканастасам і двума ківотамі.

• Праваслаўныя храмы Беларусі / А. М. Кулагін, З. Э. Герасімовіч, У. П. Свентахоўскі. — Мн., БелЭн, 2007.

• На Вікісховішчы ёсць медыяфайлы па тэме Васкрасенская царква (Альманы)
• Васкрасенская царква (Альманы) на сайце Radzima.org
• Васкрасенская царква (Альманы) на сайце Глобус Беларусі (руск.)