Васілевіцкая партызанская брыгада імя П. К. Панамарэнкі

Васілевіцкая партызанская брыгада імя П. К. Панамарэнкі
Гады існавання	1943
Краіна	СССР  Беларуская ССР
Падпарадкаванне	Беларускі штаб партызанскага руху
Уваходзіць у	Палескае партызанскае злучэнне
Тып	партызаны
Функцыя	змаганне з акупантамі
Колькасць	365 партызан (17.11.1943)
Дыслакацыя	Васілевіцкі раён
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	Сямён Агеевіч Смерцін

Васілевіцкая партызанская брыгада імя П. К. Панамарэнкі — партызанская брыгада, створаная 31 кастрычніка 1943 года на базе атрада імя П. К. Панамарэнкі (арганізаваны ў красавіку 1943) разбуйненнага на тры атрады. Дзейнічала на акупаванай тэрыторыі Васілевіцкага раёна. 17 лістапада 1943 года брыгада (365 партызан, тры атрады) злучылася з Чырвонай Арміяй.

• 5-ы партызанскі атрад;
• 7-ы партызанскі атрад;
• 9-ы партызанскі атрад.

• Сямён Агеевіч Смерцін

• Павел Пятровіч Гудаў

• Васіль Паўлавіч Алісейка

У маі 1943 года партызаны разам са 101-й Даманавіцкай партызанскай брыгадай каля станцыі Жэрдзь на значным участку пашкодзілі чыгуначнае платно, знішчылі два масты, у чэрвені разбілі нямецкі гарнізон у вёсцы Савічы, у жніўні (разам з 99-й Калінкавіцкай і 101-й Даманавіцкай брыгадамі) разбілі буйны гарнізон у вёсцы Ведрыч, вывелі са строю чыгуначны ўчастак Галявіцы — Калінкавічы. Правялі некалькі адкрытых і засадных баёў, у тым ліку ў чэрвені 1943 года каля вёскі Залатуха супраць карнай экспедыцыі, у жніўні каля вёскі Асташкавічы. Аперацыю «рэйкавая вайна» праводзілі на чыгуначным участку Васілевічы — Нахаў, удзельнічалі ў вызваленні Васілевіч.

У 1975 годзе ў вёсцы Гогалева Калінкавіцкага раёна ў гонар брыгады ўстаноўлена мемарыяльная дошка.

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.

• Василевичская бригада им. П. К. Пономаренко