Васіль Міхайлавіч Куркін

Васіль Міхайлавіч Куркін
Род дзейнасці	інжынер, кіраўнік
Дата нараджэння	24 жніўня 1948(1948-08-24) (76 гадоў)
Месца нараджэння	Пасёлкі[d], Барышскі раён[d], Ульянаўская вобласць, РСФСР, СССР
Альма-матар	Мінскі архітэктурна-будаўнічы тэхнікум (1967) БрДТУ
Узнагароды і прэміі	Ганаровы грамадзянін горада Баранавічы (19 студзеня 2010)

Васіль Міхайлавіч Куркін (24 жніўня 1948 —) — беларускі гаспадарчы дзеяч у галіне цывільнага будаўніцтва^[1]. Заслужаны будаўнік Рэспублікі Беларусь (1998)^[1].

Нарадзіўся ў в. Пасёлкі Барышскага раёна Ульянаўскай вобласці. Пасля заканчэння васьмі класаў сярэдняй школы прыехаў у г. Мінск, дзе жыў ягоны брат. Паступіў у Мінскі архітэктурна-будаўнічы тэхнікум. У 1967 годзе скончыў яго і быў накіраваны ў г. Брэст, у будаўнічы трэст № 8, дзе да 1984 года працаваў на пасадах: тэхнік, інжынер, старшы інжынер, галоўны інжынер, начальнік будаўнічага ўпраўлення № 116. Адначасова скончыў вячэрняе аддзяленне Брэсцкага інжынерна-будаўнічага інстытута^[1].

У снежні 1984 года Васіль Міхайлавіч прызначаны кіраўніком будаўнічага трэста № 25 г. Баранавічы^[1].

Васіль Міхайлавіч узнагароджаны трыма Ганаровымі граматамі Прэзідыума Вярхоўнага Савета БССР. У 1998 годзе Куркін В. М. удастоены звання «Заслужаны будаўнік Рэспублікі Беларусь». Рашэннем Баранавіцкага Савета дэпутатаў ад 19 студзеня 2010 года № 135 генеральнаму дырэктару адкрытага акцыянернага таварыства «Будаўнічы трэст № 25» Куркіну Васілю Міхайлавічу прысвоена званне «Ганаровы грамадзянін горада Баранавічы»^[1].

• Куркин Василий Михайлович Архівавана 26 верасня 2022. (руск.)