Васіль Пятровіч Рагуновіч

Васіль Пятровіч Рагуно́віч^[1] (нар. 27 жніўня 1934) — вучоны ў галіне гідратэхнікі, доктар тэхнічных навук (1993^[1]), прафесар (2011^[2]).

Нарадзіўся ў вёсцы Маркава (сучасны аграгарадок, Маладзечанскі раён, Мінская вобласць, Беларусь). У 1957 годзе скончыў Беларускі політэхнічны інстытут, Беларускі дзяржаўны ўніверсітэт у 1965 годзе^[1]. З 1961 года ў Цэнтральным навукова-даследчым інстытуце комплекснага выкарыстання прыродных рэсурсаў, з 1971 года на пасадзе загадчыка лабараторыі.

Аўтар прац па матэматычным мадэліраванні руху вады і дамешкаў у вадацёках, стварэнню сродкаў аўтаматычнага вымярэння якасных і колькасных характарыстык вады, па распрацоўцы аўтаматычных вымяральных і кіруючых сістэм для басейнаў рэк, нафтаправодаў з выкарыстаннем касмічных тэхналогій і інш.

Сярод апублікаванага:

• Автоматизация математического моделирования движения воды и примесей в системах водотоков. — Л.: Гидрометеоиздат, 1989.
• Гидравлическая изоляция в грунтах радиоактивных отходов: методическое пособие по выполнению курсовых и дипломных проектов для студентов специальностей 1-70 04 01 «Водохозяйственное строительство», 1-70 07 01 «Строительство тепловых и атомных станций» — Мн.: БНТУ, 2011. — SBN 978-985-525-613-8

Студэнтка і выпускніца В. А. Іванкова пад кіраўніцтвам В. П. Рагуновіча ўдзельнічала ў Рэспубліканскім конкурсе навуковых работ студэнтаў 2011 года Рэспублікі Беларусь^[3].

• Рагуновіч Васіль Пятровіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 203. — 10 000 экз. — ISBN 985-11-0035-8. — ISBN 985-11-0216-4 (т. 13).

• Васіль Пятровіч Рагуновіч на сайце анлайн-энцыклапедыі «Беларусь у асобах і падзеях»
• Кафедра: Гидротехническое и энергетическое строительство, водный транспорт и гидравлика (руск.) // Сайт БНТУ
• База патентов Беларуси(недаступная спасылка) (руск.)