Вера Рыгораўна Бакурына

Вера Рыгораўна Бакурына
Дата нараджэння	25 студзеня 1925(1925-01-25)[1] (100 гадоў)
Месца нараджэння	Чашніцкі раён, Віцебская акруга, БССР, СССР
Род дзейнасці	урач, педыятр, галоўны ўрач, медыцынскі адміністратар
Месца працы	Брэсцкая абласная клінічная бальніца[d] Брэсцкая дзіцячая абласная бальніца
Альма-матар	Расійскі нацыянальны даследчы медыцынскі ўніверсітэт імя М. І. Пірагова
Узнагароды

Вера Рыгораўна Бакурына (нар. 25 студзеня 1925) — беларуская ўрач-педыятр. Заслужаны ўрач БССР (1966). Першы галоўны ўрач Брэсцкай абласной дзіцячай бальніцы^[2].

Нарадзілася ў зніклай цяпер вёсцы Залескі ў сучасным Чашніцкім раёне Віцебскай вобласці. Бацьку рэпрэсавалі і ён не вярнуўся з будоўлі Беламора-Балтыйскага канала^[2].

Па заканчэнні дзявятага класа патрапіла на фронт, да 1943 года працавала сандружынніцай на санітарным цягніку^[2].

Пасля вяртання з эвакуацыі 2-га Маскоўскага медінстытута пачала там навучанне. Туды яе прынялі без атэстата і іспытаў, як і іншых удзельнікаў вайны, але толькі на педыятрычны факультэт, бо бракавала сярэдняй медыцынскай адукацыі^[2].

Па размеркаванні пачала працу ў Шарашове. Праз тры гады працы ў Шарашове па заканчэнні клінічнай ардынатуры Мінскага дзяржаўнага медыцынскага інстытута стала загадваць кансультацыяй Брэсцкай абласной бальніцы з 1954 года^[2].

У 1967 годзе Веру Бакурыну выклікалі ў гараддзел і прапанавалі ўзначаліць гарадскую дзіцячую бальніцу, якую толькі пачалі будаваць. Пазней працавала ўрачом у дзіцячай паліклініцы^[2].

• Бакурина Вера Григорьевна (руск.)