Вольга Сяргееўна Паліціка

Вольга Сяргееўна Паліціка
Вольга Сяргееўна Паліціка
Дэпутат Палаты прадстаўнікоў Нацыянальнага сходу Рэспублікі Беларусь V склікання
	18 кастрычніка 2012 — 2016
Прэзідэнт	Аляксандр Лукашэнка
Кіраўнік урада	Міхаіл Мясніковіч; Андрэй Кабякоў
Дэпутат Палаты прадстаўнікоў Нацыянальнага сходу Рэспублікі Беларусь VI склікання
	з 11 кастрычніка 2016
Кіраўнік урада	Андрэй Кабякоў
Нараджэнне	6 чэрвеня 1971 (53 гады); Баранавічы, Брэсцкая вобласць, БССР, СССР;
Адукацыя	механіка-матэматычны факультэт БДУ;
Месца працы	Баранавіцкі станкабудаўнічы завод[d];
Узнагароды	ганаровая грамата Нацыянальнага сходу Рэспублікі Беларусь

Во́льга Сярге́еўна Паліціка (6 чэрвеня 1971, Баранавічы, Брэсцкая вобласць) — беларускі палітык, дэпутат Палаты прадстаўнікоў Нацыянальнага сходу Рэспублікі Беларусь V і VI скліканняў.

Біяграфія

Нарадзілася 6 чэрвеня 1971 года ў г. Баранавічы Брэсцкай вобласці.

Скончыла з адзнакай механіка-матэматычны факультэт Беларускага дзяржаўнага ўніверсітэта па спецыяльнасці «Матэматыка».

Працавала інжынерам па арганізацыі кіравання вытворчасцю, вядучым спецыялістам па ідэалагічнай рабоце, начальнікам заводскага інфармацыйнага бюро, начальнікам аддзела працы, заработнай платы і ўдасканалення арганізацыі вытворчасці філіяла ЗАТ «АТЛАНТ» — Баранавіцкі станкабудаўнічы завод".

З’яўлялася дэпутатам Баранавіцкага гарадскога Савета дэпутатаў дваццаць шостага склікання.

У 2012—2016 гадах — дэпутат Палаты прадстаўнікоў Нацыянальнага сходу Рэспублікі Беларусь V склікання, была намеснікам старшыні Пастаяннай камісіі па прамысловасці, паліўна-энергетычнаму комплексу, транспарту і сувязі.

У 2016—2019 гадах — дэпутат Палаты прадстаўнікоў Нацыянальнага сходу Рэспублікі Беларусь VI склікання.

У цяперашні час працуе генеральным дырэктарам Мінскага вытворчага гарбарнага аб’яднання^[1].

Узнагароды

Узнагароджаная медалём «За працоўныя заслугі»^[2], ганаровай граматай Нацыянальнага сходу Рэспублікі Беларусь, ганаровым дыпломам Міністэрства антыманапольнага рэгулявання і гандлю Рэспублікі Беларусь «За заслугі ў развіцці канкурэнцыі».

Асабістае жыццё

Замужам, мае дачку і сына.

Зноскі

↑ ОАО «МПКО». Руководство (нявызн.)(недаступная спасылка). Архівавана з першакрыніцы 25 жніўня 2023. Праверана 23 жніўня 2023.
↑ Указ Прэзідэнта Рэспублікі Беларусь № 462 «Аб узнагароджанні» (нявызн.)(недаступная спасылка). Афіцыйны інтэрнэт-партал Прэзідэнта Рэспублікі Беларусь (26 лістапада 2018). Архівавана з першакрыніцы 22 снежня 2018. Праверана 28 лістапада 2018.