Вочны цвет палявы

	Вочны цвет палявы
Навуковая класіфікацыя
Дамен:	Эўкарыёты
Царства:	Расліны
Аддзел:	Кветкавыя
Клас:	Двухдольныя
Парадак:	Верасакветныя
Сямейства:	Першакветныя
Падсямейства:	Myrsinoideae
Род:	Вочны цвет
Від:	Вочны цвет палявы
Міжнародная навуковая назва
	Anagallis arvensis L., 1753
GRIN	t:316552
IPNI	77100386-1
TPL	kew-2896568

Во́чны цвет палявы, макрыца чырвоная^[1] (Anagallis arvensis) — від кветкавых раслін сямейства Першакветныя (Primulaceae), тыпавы від роду Вочны цвет (Anagallis).

Батанічнае апісанне

Аднагадовая травяністая расліна з тонкім стрыжнёвым коранем. Сцёблы 4-гранныя, распасцёртыя, галінастыя, даўжынёй 15—30 см. Лісце супраціўнае, зрэдку па 3 у кальчаках, сядзячае, простае, суцэльнае, з гладкім краем, знізу з чорнымі кропкамі. Кветкі з пяццю пялёсткамі, крывава—чырвонага або цагельна-чырвонага колеру, на доўгіх кветаножках у пазухах лісця. Плод — шматнасенная каробачка шарападобнай формы.

Распаўсюджанне і экалогія

Радзімай расліны лічыцца Міжземнамор’е. Распаўсюджана амаль паўсюдна. Расце як пустазелле на палях і агародах, на лугах, узлесках, берагах вадаёмаў, у прыбярэжных і пойменных хмызняках. Мезафіт і мезатроф. Святлолюбівая расліна. Цвіце ў чэрвені—жніўні^[1].

Зноскі

↑ ^а ^б Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.

Літаратура

Сімановіч Л. Г. Вочны цвет // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз. — С. 493.