Вужоўнікавыя

Вужоўнікавыя
Вужоўнік звычайны (Ophioglossum vulgatum)
Навуковая класіфікацыя
Дамен:  Эўкарыёты Царства:  Расліны Аддзел:  Папарацепадобныя Клас:  Псілотавыя Парадак:  Вужоўнікі (Ophioglossales) Сямейства:  Вужоўнікавыя
Міжнародная навуковая назва
Ophioglossaceae Martinov, 1820
Сістэматыка на Віківідах Выявы на Вікісховішчы ITIS   17169 NCBI   13828 EOL   4503 GRIN   f:1263 IPNI   30029205-2 FW   54779

Вужоўнікавыя^[1] (Ophioglossaceae) — сямейства папарацей, адзінае ў парадку Ophioglossales.

Сучасныя папараці, паходзяць, верагодна, непасрэдна ад раўнаспоравых форм палеазойскіх анеўрафітапсід. Вужоўнікі — самы своеасаблівы клас папарацей, іх сучасныя прадстаўнікі па шэрагу прыкмет значна адрозніваюцца ад тыповых папарацей. Выдзяляюць роды: вужоўнік (Ophioglossum), граздоўнік (Botrychium), гельмінтастахіс (Helminthostachys). Нешматлікасць відаў указвае на старажытнасць гэтай групы.

Большасць відаў вужоўніка прымеркавана да тропікаў, прадстаўнікі роду гельмінтастахіс (Helminthostachys) сустракаюцца ў трапічных лясах усходняга паўшар’я, а граздоўнік (Botrychium) — большай часткай у паўночна-ўмеранай зоне. Нягледзячы на старажытнасць, вужоўнікавыя прымеркаваны не толькі да заценяных лясоў, але растуць на лугах, балотах, у тундравых супольніцтвах.

• Сапегін Л. М. Батаніка. Сістэматыка вышэйшых раслін: вучэбны дапаможнік для студэнтаў устаноў вышэйшай адукацыі па біялагічных спецыяльнасцях. — Гомель: ГДУ, 2012. — 337 с. — ISBN 978-985-439-644-6.

• Ужовниковые: інфармацыя пра таксон у праекце «Плантариум» (вызначальнік раслін і ілюстраваны атлас відаў). (руск.)