Вядзета

Вядзета
Морфаметрыя
Вышыня над узроўнем мора	152,7[1] м
Даўжыня	4.6 км
Шырыня	1.6 км
Плошча	4,68 км²
Басейн
Плошча вадазбору	26 км²
Выцякаюць	Вядзеціца
Размяшчэнне
Краіна	Беларусь
Рэгіён	Віцебская вобласць
Вядзета
Вядзета
Медыяфайлы на Вікісховішчы

Вядзе́та — возера на мяжы Расонскага і Полацкага раёнаў Віцебскай вобласці. На водападзеле рэк Дрыса і Палата, за 45 км на паўночны ўсход ад Полацка, сярод лясных масіваў.

Назва балцкага паходжання, адпачатная балцкая форма *Vedetà.

Аснова Ved-, пашыральнік -et- у літоўскіх гідронімах тыпу Vedega, Nereta^[2][3].

Плошча паверхні 4,68 км². Даўжыня 4,6 км, найбольшая шырыня 1,6 км. Плошча вадазбору 26 км². Катлавіна возера выцягнутая ў напрамку з захаду на ўсход. Схілы катлавіны вышынёй 4—7 м.

Берагі месцамі забалочаныя, пад лесам і хмызняком. Востраў плошчай 3,6 га. На захадзе злучана ручаём з возерам Глыбочына, на поўдні выцякае рака Вядзеціца.

У возеры водзяцца лешч, шчупак звычайны, акунь, плотка, краснапёрка, гусцяра, язь, судак звычайны і іншыя віды рыб.

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.
• Белорусская ССР: Краткая энциклопедия. В 5-ти т. Т. 2 / Ред. колл.: П. У. Бровка и др. — Мн.: Гл. ред. Белорус. Сов. Энциклопедии, 1979. — Т. 2. — 768 с. — 50 000 экз. (руск.)
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 13. — 72 с. — 10 000 экз. — ISBN 978-985-508-136-5. (руск.)

Памылка Lua у Модуль:External_links на радку 45: assign to undeclared variable 'link'.