Вялікая Пакроўская вуліца

Вялікая Пакроўская вуліца
Ніжні Ноўгарад
Вялікая Пакроўская вуліца; Ніжні Ноўгарад
Агульная інфармацыя
Краіна	Расія;
Горад	Ніжні Ноўгарад;
Паштовы індэкс	603005
	Медыяфайлы на Вікісховішчы

Вялікая Пакроўская вуліца (руск.: Большая Покро́вская улица) — галоўная вуліца Ніжняга Ноўгарада. Размешчана ў гістарычным цэнтры горада. Звязвае 4 плошчы: Мініна і Пажарскага, Тэатральную, Горкага і Лядава. Адна з самых старажытных вуліц. Да 1917 года лічылася шляхецкай. Аформілася як галоўная вуліца горада да канца XVIII стагоддзя. Даўжыня Вялікай Пакроўскай — 2232 метры, 1236 з іх сёння — пешаходныя (ад плошчы Мініна і Пажарскага да вуліцы Малой Пакроўскай).

У 2004 годзе вуліцу цалкам рэканструявалі. Яе забрукавалі, усталявалі бронзавыя скульптуры. Найбольш папулярнымі з’яўляюцца скульптура «Вясёлай казы» насупраць драматычнага тэатра і скульптура гарадавога побач з плошчай Мініна і Пажарскага.

Вуліцу Вялікую Пакроўскую пачалі добраўпарадкоўваць у 2018 годзе, да Чэмпіянату свету па футболе. На ўчастку ад плошчы Мініна і Пажарскага да вуліцы Кастрычніцкай правялі рэканструкцыю: брук замянілі на гранітнае пакрыццё, устанавілі малыя архітэктурныя формы, высадзілі новыя дрэвы.

Увесну 2021 года пачалося добраўпарадкаванне вуліцы на ўчастку ад вуліцы Малой Пакроўскай да вуліцы Кастрычніцкай у межах падрыхтоўкі да 800-годдзя Ніжняга Ноўгарада. Канцэпцыя абнаўлення была распрацавана КБ «Стрэлка» пад куратарствам Інстытута развіцця гарадскога асяроддзя Ніжагародскай вобласці. Асноўнай мэтай было змяніць характар вуліцы з транзіту на цэнтральны праменад.

У 2021 годзе на вуліцы Вялікай Пакроўскай замянілі брукоўку і ліўневую каналізацыю, павялічылі азеляненне.